"Nur Otan" партиясының атынан облыстық маслихат депутатына кандидаттар Марат Себасов пен Киікбай Ешманов партияның сайлауалды бағдарламасын толық таныстыру мақсатында "ҚазҒЗЖИмұнайгаз" филиалы ұжымымен тікелей эфирде үгіт-насихат жұмысын жүргізді.
Кездесу барысында партияның бүгінгі жетістігі мен алдағы жетістікке жету жолындағы басым бағыттары түсіндірілді.
Сондай-ақ ұжым тарапынан көптеген әлеуметтік мәселелерге қатысты сұрақтар мен ұсыныстар айтылды.
Атап айтқанда, Ақтау қаласы, 16-шағын ауданы, 63-үй "LePes" ТҮК газ мәселесі, тоқтың жиі сөнуі шешілмей тұрғаны, Ақтау қаласының 28 ш/а 17 үйінің алдында салынған футбол алаңы бұзылып, жаңадан жасау басталып, қазіргі таңда иесіз тасталғаны, енді ол жер көлік тұрағына айналғаны, Ақтау қаласы бойынша жаяулар өткелі жарықтандырылмағаны, түнде қауіп көптігі туралы мәселелер.
Аталмыш сұрақтар бойынша жауап беріліп, жауапты органдарға жеткізілетіні айтылды.