«Nur Otan» партиясы Мұнайлы аудандық филиалының ұйымдастыруымен
"Есіктен есікке" акциясы аясында тұрғындар мәселесі тыңдалды.10 желтоқсан күні сағат 18:00-де республикамызда сайлау науқанының үгіт-насихат кезеңі басталды. Партиялар Сайлауалды бағдарламалары негізінде түрлі акциялар мен іс-шаралар өткізу жұмыстарына көшті. Осы орайда «Nur Otan» партиясы Мұнайлы аудандық филиалы да науқанға сақадай сай дайындықпен келгенін мәлімдеп, үгіт-насихат кезеңінің іс-шараларын бастап кетті.
Осы орайда үгіт-насихат кезеңі «Есіктен есікке» акциясымен алғашқы күннің шымылдығын түрді. Акция аясында қалалық мәслихат дептутаттығына үміткерлер мен еріктілер тобы тұрғындарды үйме-үй аралап, партияның Сайлауалды бағдарламасын түсіндіру жұмыстарын жүргізді.
Бүгінгі «Есіктен есікке» акциясы Мұнайлы ауданына қарасты «Ақ Еспе», «Бозжыра», «Айрақты», «Шерқала», «Бесшоқы» шағын ауданында өтті.
Халық нұротандықтарды жылы лебізімен қабылдап, шағын аудан бойынша түйткілді мәселелерімен бөлісті.
Тыңдалған талап-тілектер негізінде ұсыныстар жасақталуда.