«Елін сүйген Елбасы»

Жиында Житек Абдурахманұлы еліміздің тұңғыш президенті, Елбасы Нұрсұлтан Әбішұлы Назарбаевтың қазақ еліне сіңірген еңбектері туралы тоқталып өтті. Ол өз сөзінде: «Тәуелсіздік алғаннан кейін қабылданған ең алғашқы әрі батыл шешімдердің бірі – ол 1991 жылдың 28 тамызындағы Семей полигонын жабу туралы Жарлық еді. Осылайша қазақ елі атом бомбасынан бір жола бас тартқан болатын. Н.Назарбаевтың осы әрекетінен кейін Ресей мен АҚШ-тағы және Франциядағы ядролық сынақ алаңдарында да жарылыстар тоқтатылды. Бұл осыдан тура 70 жыл бұрын құрылып, 40 жыл бойы Қазақ даласын қансыратқан алапат сынақ алаңына қойылған нүкте еді. Нұрсұлтан Назарбаевтың қазақ халқының бейбітсүйгіш, тыныштықты жаны қалайтын, алаңсыз халық екенін танытқан әлемдік қадамы» екендігін айтып өтті.