Елдіктің жеті тұғыры» - ел ертеңінің бағдары!
«Nur Otan» партиясының Жетісу аудандық филиалының ұйымдастыруымен «Елдіктің жеті тұғыры» атты қағидаттар жиынтығын насихаттау үшін құрылған ақпараттық топ мүшелері Қазақстанның Тұңғыш Президенті, Елбасы Нұрсұлтан Назарбаев «Nur Otan» партиясы Саяси кеңесінің кеңейтілген отырысында жас ұрпаққа жолдаған үндеуіне қатысты түсіндірме жұмыстарын насихаттау мақсатында, аудандағы «Жетісу-Өркен №148» бастауыш партия ұйымының ұжымымен кездесті. Кездесу аясында спикерлер Қазақстанның Тұңғыш Президенті, Елбасы Н.Назарбаевтың халыққа жолдаған мақаласындағы Мәңгілік ел болу жолындағы міндеттемелері мен елдің қасиетті құндылықтары жайлы ауқымды ой-пікірлерін жеткізді. Жиын соңында әрбір жеті бағыт бойынша аталған ұжым мүшелері өз пікірлерін білдірді.