ЕҰУ-де «Айтматов философиясы» кітабы жарық көрді

Іс-шара аясында Гумилев атындағы Еуразия ұлттық университетінің «Отырар кітапханасы» ғылыми орталығында қазақ тіліне аударылған «Айтматовтың философиясы» кітабының тұсаукесері өтті. Кітаптың авторы Қырғызстанның мемлекеттік және қоғам қайраткері, дипломат және ғалым Жұмағұл Сааданбеков.

Форумға Құрметті қонақтар ретінде Қырғызстанның еңбек сіңірген қайраткері Роза Айтматова, Шыңғыс Төреқұлұлының әпкесі, сонымен қатар, Қырғызстанның мемлекеттік және қоғам қайраткері Асылқұл Әбдірехімова, Қырғызстанның халық әртісі Құрманғазы Азықбаев, қоғам қайраткері, профессор Жамгырбек Бокошев, академик, түркітанушы Қадыралы Конкобаев, және тағы басқа қоғам қайраткерлері қатысуда.

Атриумда Қуанышбаев атындағы драма театрының әртістері Айтматовтың «Қызыл орамалды шынарым» атты әңгімесінің фрагментін көрсетті, сондай-ақ жазушы туралы деректі фильм көрсетілді. Азықбаевтың виртуоздық қойылымында қырғыз халық әндері шырқалды.

Университеттің ректоры, академик Ерлан Сыдықов Айтматовтың шығармашылығына, оның қоғамдық өмірге қосқан орасан зор үлесіне және әлемдік әдебиетдегі ерекше орынына жоғары баға берді. Қазақ интеллигенциясының танымал өкілдері Қуаныш Сұлтанов, Анес Сарай, Алтыншаш Жағанова, Ғарифолла Есім, Ғаділбек Шалахметов, Сұлтан Оразалин ой-пікірлерімен бөлісті. Конференцияға сондай-ақ генерал-полковник Сәкен Жасұзақов пен Мәжіліс депутаты Сауытбек Әбдірахманов қатысты.

Қонақтар өз кезектерінде Жұмағұл Саданбеков, Роза Айтматова және академик Қадыралы Конкобаев Гумилев атындағы Еуразия ұлттық университетінің түркі кеңістігіндегі ғылыми, білім беру және мәдени көпір қалыптастырудағы рөлі, Қазақстан-Қырғызстан ынтымақтастығы туралы айтты.