Әділет министрлігінің сайты мемлекеттік органдар арасында үздіктердің бірі болып танылды

Қазақстан Республикасы Ақпарат және коммуникациялар министрі Дәурен Абаев «Ақпаратқа қол жеткізу туралы» Заңға сәйкес мемлекеттік органдардың интернет-ресурстарына жүргізілген мониторингті қорытындылады деп хабарлайды Today.kz(link is external) тілшісі.

Министрдің айтуынша, төрт министрлік пен өңірлердегі үш әкімдіктің интернет-ресурстары толық болып табылады.

«Біз орталық және жергілікті мемлекеттік органдардың интернет-ресурстарында «Ақпаратқа қол жеткізу туралы» ҚР Заңының 16-бабында белгіленген 52 индикатордың болуына үнемі мониторинг жүргізіп отырамыз. Сонымен қатар мемлекеттік органдарға интернет-ресурстың мазмұнына сәйкес ұсынымдар беріледі. Ағымдағы жылдың қазан айында жүргізілген соңғы мониторинг көрсеткеніндей, әділет, энергетика, инвестициялар және даму, денсаулық сақтау және әлеуметтік даму министрліктерінің, ШҚО,ОҚО, Алматы облыстарының интернет-ресурстары едәуір толық» - деп атап көрсетті Дәурен Абаев.