Депутаттар жол картасын қарады

"Nur Otan" партиясының аудандық филиалында Павлодар аудандық мәслихатындағы депутаттық фракцияның жиналысы өтті. Іс-шараға Павлодар ауданының әкімі, "Nur Otan" партиясы аудандық филиалының төрағасы Жанат Шұғаев, аудандық мәслихат хатшысы Айтуған Шайхимов қатысты. Жиналыста бірнеше сұрақтар қаралды, олардың ең бастысы "Nur Otan" партиясының сайлауалды бағдарламасын орындау жөніндегі "Жол картасын" талқылау болды. Депутаттық фракцияның жетекшісі, "Nur Otan" партиясы аудандық филиалы төрағасының бірінші орынбасары Вера Гейнц Жол картасы 2021 жылдан 2025 жылға дейінгі кезеңді қамтитынын және "Nur Otan" партиясының Павлодар ауданы бойынша сайлауалды бағдарламасына сәйкес әзірленгенін атап өтті. Іске асыру жоспары 7 басым бағытты қамтитын көрсеткіштердің 83 атауын қамтиды, олардың әрқайсысына депутаттық фракция мүшесі бекітілетін болады. Олар: экономикалық тұрақты аудан; жайлы аудан; әлеуметтік бағдарланған аудан; жастарға арналған аудан; тарих пен мәдениетті дамыту; ашық және есеп беретін жергілікті органдар; қауіпсіз аудан. Жалпы, жол картасы аясында 4-тен астам жаңа жұмыс орнын құру, агроөнеркәсіптік кешеннің 11-ден астам кәсіпорнын ашу және кеңейту жоспарланған, бұл еңбек өнімділігін 2,5 есеге арттыруға мүмкіндік береді және орташа жалақының өсуін қамтамасыз етеді. Көзделген шаралар шағын және орта бизнес объектілерінің санын ұлғайтуға, өзін-өзі жұмыспен қамтыған халықты кәсіпкерлікке тартуға және жұмыссыздықты, оның ішінде жастардың жұмыссыздығын қысқартуға мүмкіндік береді. 9 су құбыры, үш денсаулық сақтау нысаны, мектеп, балабақша, мәдениет үйі, үш спорт нысаны салынады, аудандық маңызы бар 30 шақырымнан астам жол жөнделеді. Жол картасының барлық бағыттары бірлесіп қаралды. Отырыс қорытындысы бойынша партияның сайлауалды бағдарламасын іске асыру жөніндегі жол картасы бекітуге ұсынылды.