Әдеби бағдарлама: Асқар Алтай «Дегелеңдегі қызыл күн»

Қымбатты, әдебиет сүйер қауым! Бүгін сіздердің назарыңызға балалар әдебиетіне қалам тербеген жазушының бірі - Асқар Алтайдың «Дегелеңдегі қызыл күн» атты кітабымен таныстырғалы отырмын. Кітап Алматы қаласы, Арда+7 баспасымен 2017 жылы басылып шыққан. Жазушының бұл кітабына бұрын прозалық жинақтарында жарияланбаған «Сарытау серісі», «Аютамыр», «Бөкентұмсық» сияқты әңгімелері енген. «Дегелеңдегі қызыл күн» атты әңгімесінде автор Семейдегі атом бомбасы жарылысын аңдаусызда көзбен көріп, суқараңғы соқыр болып қалған Қажымұрат атты баланың аянышты тағдырын суреттейді. Жинақ балалар мен жасөспірім оқырмандарға арналған.