Д.Ерғожин: МКК Алматы мен Алматы облысында 1 ай атқарған жұмыстары бойынша бюджетке 17 млрд теңгені қайтарды
Мемлекеттік кірістер комитеті Алматы қаласы мен Алматы облысында жүргізген бақылау-сауықтыру шаралары барысында 17 млрд-тан астам теңгенің кірістерін жасырып қалу жағдайларын анықтап, қосымша тағы кедендік құнды түзету есебінен тсүкен 285 млн теңгенің кедендік төлемдерін бюджетке қайтарды, деп хабарлады Қаржы министрлігінің Мемлекеттік кірістер комитетінің төрағасы Дәулет Ерғожин.
Комитет басшысы бірінші айдың қорытындысын жария етті, оның аясында 17 млрд-тан астам теңге мемлекет бюджетіне қайтарылған.
«Жекелеген компаниялар тарапынан декларациялау кезінде 17 млрд теңгеден астам қаржын жасырып қалу жағдайлары анықталды. Қосымша кедендік реттеуден түскен 285 млн теңге де мемлекет қоржынына қайтарылды, яғни Қазақстан аймағына өткізу үшін кедендік құны төмендетілген тауарлар әкелінді»,-деді ол ОКҚ-де.
Бұған қоса, салық төлеуден жалтарған 1 мың 602 жеке тұлға мен салық органдарында тіркелместен кәсіпкерлікпен айналысудың 3 мың 816 жағдайы анықталды.
«Қазіргі таңда салық органдарында тіркелместен жұмыс істеп жүрген 3 мың 942 кәсіпкерді тіркеу бойынша жұмыс жүргізіліп жатыр. Біз бақылау жұмыстарының барысында түрлі қоймаларда өздерінің жұмыс берушілерімен еңбек келісімдерін жасамаған 150 жеке тұлғаны анықтадық»,-деді комитет төрағасы.
Айта кететін мәселе, салық заңнамаларын бұзған 211 адам әкімшілік жауапқа тартылды. Осы сияқты шаралар еліміздің барлық аймақтарында жүргізіледі.
«2015 жылдың 1-шілдесінен бастап, МКК мәліметтер базасына онлайн режимінде 7,6 млн чек түсті»,-деді Д.Ерғожин.
2015 жылдың 1-шілдесінен бастап, салық төлеушілердің басым бөлігі бақылау-кассалық аппаратарын қолданулары керек және олар мәліметтерді онлайн режимінде Мемлекеттік кірістер департаментіне жіберіп отырулары керек. Қазіргі таңда осындай онлайн режимінде 7 млн 600 мың чек берілді, деп хабарлады Қаржы министрлігінің Мемлекеттік кірістер комитетінің төрағасы Дәулет Ерғожин.
«Биылғы жылдың 1-шілдесінен бастап, жанар май мен жағар майды және алкогольдік өнімдерді көтерме және саудаға салатын салық төлеушілер бақылау-кассалық аппараттарын қолданып, олар мәліметтерді онлайн режимінде Мемлекеттік кірістер департаментіне жебіреп отырулары керек. Мәліметтерді жіберуші бірыңғай оператор ретінде «Қазақтелеком» акционерлік қоғамы тіркелді. Біз тізімге 6 мың жаңа үлгіні енгіздік, сонымен қатар тағы 5 үлгі бойынша сынақ жүргізудеміз. Бүгінгі таңда онлайн режимінде еліміз бойынша 7 млн 600 мың чек берілді. Бұл меже жыл сайын өсіп отыр»,-деді Д,Ерғожин.
Сонымен қатар, ол 2016 жылдың 1-қаңтарынан бастап, заңды тұлғалар, арнайы салық режимін, патент пен жеңілдетілген декларация пайдаланатын жеке кәсіпкерлер pos-терминалдарды пайдаланулары керектігін ескертті.
«Бүгінгі таңда Қазақстанда 14 млн 825 адам несие және және қарыз карталарының иелер, соған қарамастан Ұлттық банкітң мәліметтері бойынша, 66 мың салық төлеушінің ғана pos- терминалдары бар. Сол себепті осы терминалдарды пайдалану, оны тарату бойынша жеке бағдарлама қабылдау туралытиісті ұсыныс енгіздік»,-деді ол.