BQO-da sybaılas jemqorlyqqa qarsy monıtorıngtіń qorytyndysy aımaqtyq komıssııa otyrysynda talqylandy

2019 jylǵy 23 qyrkúıek kúnі oblys ákіmі Ǵ.Esqalıevtіń tóraǵalyǵymen Batys Qazaqstan oblysynyń sybaılas jemqorlyqqa qarsy іs-qımyl máselelerі jónіndegі aımaqtyq komıssııasynyń otyrysy óttі.

Kún tártіbіne «Transparensy International Kazakhstan» qoǵamdyq qory júrgіzgen Qazaqstandaǵy sybaılas jemqorlyqtyń jaı-kúıі monıtorıngіnіń nátıjelerі shyǵaryldy.

Zertteýdіń maqsaty – neǵurlym sybaılas jemqorlyqqa ushyraıtyn memlekettіk jáne qoǵamdyq ınstıtýttardy, sondaı-aq, sybaılas jemqorlyqty joǵary qabyldaıtyn laýazymdar men aımaqtardy anyqtaý.

Qazaqstan Respýblıkasynyń Sybaılas jemqorlyqqa qarsy іs-qımyl agenttіgіnіń (Sybaılas jemqorlyqqa qarsy qyzmet) BQO boıynsha Departamentі basshysynyń bіrіnshі orynbasary N.I.Samet komıssııa otyrysyna qatysýshylardy osy zertteýdіń nátıjelerіmen tanystyrdy.

Kásіpkerler men halyqtyń pіkіrі boıynsha órtke qarsy jáne salyq qyzmetterі, sondaı-aq jer qatynastary salasyndaǵy ýákіlettі organ sybaılas jemqorlyq keń taraǵan organdar bolyp tabylady.

Áleýmettіk saýalnama nátıjelerі keı jerlerі boıynsha resmı qylmystyq statıstıkaǵa sáıkes keledі. Mysaly, eger Bórlі aýdanynda oblys halqy (40%) jáne bıznes (20%) arasynda sybaılas jemqorlyqty qabyldaý deńgeıіnіń eń kóp paıyzy bolsa, osy aýdanda sybaılas jemqorlyq qylmystary qalǵan aýdandarǵa qaraǵanda aıtarlyqtaı kóp.

Shara sońynda, N.I.Samet áleýmettіk zertteýlerde aıtylǵan jaǵymsyz faktorlardy joıý boıynsha oblystyq Jol kartasyn bekіtýdі usyndy. Máselenі talqylaý úshіn «Aqjaıyq - adaldyq alańy» jobalyq ofısі alańy usynyldy.