БҚО мемлекеттік қызмет істері Департаменті басшылығы тікелей эфирде
2016 жылдың 16 наурызда ҚР Мемлекеттік қызмет істері министрлігінің Батыс Қазақстан облысы бойынша Департаменті басшысының орынбасарлары А.Жұбаныш пен Ж.Мұратов «Қазақстан-Орал» телеарнасының «Ел алдында» бағдарламасының тікелей эфиріне қатысты.
Өз сөзінде А.Жұбаныш жаңа реформалардың арқасында Қазақстандағы автономды және кәсіби мемлекеттік аппарат одан әрі қалыптасатындығын атап өтті.
Бағдарлама барысында басшының орынбасары телекөрермендерден келіп түскен сұрақтарға нақты түсініктер бере отырып, мемлекеттік қызмет істері және сыбайлас жемқорлыққа қарсы іс-қимыл органдарының мемлекеттік қызметтің имиджін көтеруде және қоғамдағы жемқорлық көріністерін жоюда жоғары деңгейдегі жұмыстар атқарылып жатырғандығын баса айтты.