БҚО-да «Жолдарда сыбайлас жемқорлықтың деңгейін төмендету бойынша 10 қадам» жобасы іске асырылуда

2017 жылдың 5 мамырда Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл Агенттігінің Батыс Қазақстан облысы бойынша Департаментінің жанындағы «Парасыз болашаққа. Бірге!» сыбайлас жемқорлыққа қарсы мобильді тобы «Жолдарда сыбайлас жемқорлықтың деңгейін төмендету бойынша 10 қадам» жобасы аясында «Шымкент-Самара» республикалық трассасында рейдтік шара өткізілді.

Шараға Департамент, БҚО бойынша көліктік бақылау инспекциясы, «ҚазАвтожол» АҚ-ның БҚОФ-ы және «ҚазАТО» қоғамдық бірлестігінің өкілдері қатысты.

Шара шеңберінде мобильді топ мүшелері көлік жүргізушілеріне жеке сұрақтарымен қабылдау жүргізіп, сыбайлас жемқорлыққа қарсы жадынамалар таратты.