Бүгін көктемнің алғашқы күні

Бүгін Наурыздың бірі – жылдың, әрі көктемнің бірінші күні. Парсының «нау»- жаңа, «руз»- күн деген, яғни «жаңа күн» деген сөзінен шыққан. Демек, наурыз аты бір күнді бейнелесе де, ол толық ай атын иеленген. Наурыздың бірінші күні күн мен түн теңеседі, жаңа күн келеді. Халқымыз оны жыл басы, көктем басы, мереке басы деп санайды, «Ұлыстың ұлы күні» деп ерекше құрметтейді.