Бүгін қалалық мәслихат депутаттығына үміткерлер сайлауалды үгіт-насихат жұмыстарын жүргізді.
Зауыт директоры О.Юговтың айтуынша қазіргі таңда бұл орында 395 мамандар жұмыспен қамтылған, зауыт 9 түрлі бағыттағы металл өнімдерін өндіреді. Кездесу барысында зауыт жұмысшыларына «Nur Otan» партиясының сайлауалды бағдарламасын таныстырып, алдағы бес жылдық жұмыс жоспары баяндалды.
Сондай-ақ, жиын қатысушылары көкейде жүрген сауалдарын жолдады. Сұрақтар мен мәселелердің басым бөлігі: тұрғын үй мен кәсіпкерлерді қолдау мәселелері төңірегінде болды. Үміткерлер айтылған мәселелердің барлығын тізімге алып, алдағы уақытта партия ықпалымен оң шешім табатынын жеткізді.