«Азаматтық бақылауда» кезекті азаматтарды қабылдау өткізілді
ҚР Мемлекеттік қызмет істері Министрлігінің Батыс Қазақстан облысы бойынша Департаменті әлеуметтік тапсырыс аясында «Азаматтық бақылау» жобасының шеңберінде тұрақты түрде азаматтарды қабылдау өткізеді.
Сонымен, 2016 жылдың 22 қыркүйекте қоғамдық қабылдауда Батыс Қазақстан облысы әкімдігінің мәдениет, архивтер және құжаттама басқармасы басшысының орынбасары Иночкин Вячеслав Анатольевич азаматтарға қабылдау өткізді.
Қабылдауда облыс аумағында мәдениет, архив ісі және құжат жасау саласындағы мемлекеттік саясатты жүзеге асыру, облыстың мемлекеттік архивтері сақтауға қабылданған Ұлттық архив қоры құжаттарын сақтау және облыстың мемлекеттік мәдениет ұйымдарының қызметтерін үйлестірілуін қамтамасыз ету жөнінде сұрақтар талқыланды.