«Қазақтелеком» Қазақстанға Ицхак Адизесді шақырды

Астанада «Қазақтелеком» АҚ қызметкерлері үшін басқару, бизнесті және үкімет қызметін жүргізу тиімділігін арттыру саласындағы жетекші әлемдік сарапшы Ицхак Калдерон Адизес шеберлік- класын өткізді. “Көшбасшы: Әрдайым қалай даму және табысты болу керек» атты семинар «Қазақтелеком» АҚ 20 жылдығына арналды және «Қазақтелеком» АҚ бірге оқимыз» ұранымен «Жаңа күнге бірге аттанайық» мерейтойлық бағдарлама аясында жүргізілді.

Ицхак Калдерон Адизес –26 тілге аударылған 11 кітаптың авторы. Оның «Корпорацияның өмірлік кезеңін басқару» туындысы басқару теориясындағы классикалық оқулық болып табылады және «LibraryJournal» бойынша ТОП-10 бизнес кітаптар қатарына енген. И.Адизес лекцияларын әлемнің 40 елінде оқиды, Адизес Институты негізін қалаушысы және бас директоры болып табылады. Ұйым өзгерістерді басқаруға мамандандырылған, АҚШ және басқа 14 мемлекетте филиалдары бар.

«Әлемдік бизнес-элита Қазақтелекомға» кең көлемді зияткерлік акциясы ағымдағы жылдың 29 сәуірінде жоғары буын басшылары, кадрлық резерв және «Жастелеком» жастар ұйымының мүшелері үшін еуропа мектебінің жаңа буынды бизнес оқытушыларының өкілі Йонас Риддерстралдың шеберлік-класынан басталды.

Жобамен қызметкерлерді бизнес және көшбасшылықтың жаңа философиялары негізіне, корпоративтік басқарудың үздік әлемдік тәжірибелеріне оқыту, сондай-ақ менеджмент гуруларының бестселлері кітапханасын құру қарастырылған.