Қазақ руға бөлінбейді, қазақ рудан құралады
История Казахстана added a new photo.
Өте дұрыс айтылған және тарихи негізі бар ұғым. Біздің ең үлкен кемшілігіміз, халқымыздың жетістіктерін дұрыс бағалап, мақтанудың орнына, отаршыл саясаттың негізінде халқымызды бөлшектеп, тоздыру үшін таратылған ұғымдардан осы уақытқа дейін құтыла алмай келе жатырмыз. Рудың негізгі қағидасы, жеті атаға дейін қыз алыспау. Яғни қанның тазалығын сақтау. Қытай жазба деректері бойынша бұл тәртіп қазақ халқын құрап отырған рулар ішінде бұдан 1,5 мың жыл бұрын қалыптасқан. Яғни біздің аталарымыз қанның тазалығын сақтамаған жағдайда келетін генетикалық кері әсерді сол уақытта білген. Ал европаның дамыған елдері оны 20 ғасырда ғана ғылыми дәләлдеп, мойындап отыр. Германияда 20 ғаысрдың 50 жылдары 4 атаға дейін қыз алыспауды заң жүзінде бекіткен. Басқа дамыған мемлекеттер де зерттеу үстінде және Германияның шешімін жалғастыруға жақын. Себебі, дамыған демократиялық мемлекеттерде бүгінгі күні от басын құрған жастар бала тууға (туғызуға) қабілетсіз. Сонымен бірге жақын ағайындардың некелсуінен туған балалар әртүрлі, жазылмайтын ауруларға шалдығады. Ал туыстық хромосомдар 7 атадан кейін ғана тазаратыны ғылыми түрде дәлелденген. Осыдан кейін кім біздің ата-бабаларымызды "артта қалған" деп айта алады. Қазақ нағыз Ұлы халық! Біз осындай ұлттық құндылықтарымызды жоюға емес, бүкіл әлемге көрсетіп, мақтанумыз қажет. Ұлттық намысымыз жоғары болсын бауырлар!
Құрметпен, Жұматай Абильдинов