Айту Жаубасарұлының туғанына биыл 275 жыл толды.

Жалайыр елінде әрі көсем, әрі шешен, әрі би, әрі қол бастаған батыр атанған Балпық атамыздың шәкірті, киелі Қаратал өңірінің ел мен жер сипаты жайынан, даңқты бабалар шежіресінен кеңінен хабардар етумен қатар, ойға кемел, сөзге жүйрік Айту Жаубасарұлының туғанына биыл 275 жыл толды.

Балпық атамыздың ұстаздық қасиеттері де баршылық болған көрінеді. Сыр бойынан көшіп келгеннен кейін ел ішінен 20 шақты боз балаларды жинап, оларды төрелік етуге, бітім айтуға үйретіп, шешендік сөздерге баулыған екен. Солардың ішіндегі көп жұмсайтыны Айту би болыпты. Ел арасындағы: «Айту биден айтар сөз артылмаған», «Айту би келді дегенше, айтар сөз бітті дегейсің», — деген сөздер Айту атамыздың әділдігінің дәлелі емес пе?