Атырау кәсіпкерлерімен онлайн кездесу өткіздік

Бүгін Атырау қалалық мәслихатының депутаттығына үміткер партияластарым Әділбек Зайдуллин және Ринат Ғилажевпен бірге Атырау кәсіпкерлерімен онлайн кездесу өткіздік.

Өкінішке орай, пандемия көптеген шағын және орта бизнес субъектілеріне ауыр тиді. Негізінде экономиканың осы бір маңызды саласы салықтық түсімдердің басым бөлігін қамтамасыз етеді, жұмыс орындарын құрып, өңір тұрғындары үшін қызметтер мен тауарлардың өндірісін дамытады. Сондықтан осынау қиын кезде кәсіпкерлерімізге қолдау көрсетуіміз керек. Кездесу барысында партияның кәсіпкерлікті қолдау бойынша бастамаларына кеңірек тоқталып, жерлестеріміздің ұсыныс-пікірлерін тыңдадық.