Арнайы мониторингтік топ отырысы
Отырыс барысында білім беру ұйымдарына бірінші сыныпқа қабылдау (мектепке дейінгі ұйымдардан балаларды шығару) мәселесі қаралды.
Отырыс барысында бастауыш білімнің жалпы білім беретін оқу бағдарламаларын іске асыратын білім беру ұйымдарына бірінші сыныпқа қабылдау (мектепке дейінгі ұйымдардан балаларды шығару) мәселесі бойынша арнайы мониторингтік топ мүшесі, блогер М. Жұмағалиевтің, облыстық білім басқармасының басшысы Ш.Қадырованың, қалалық білім беру бөлімінің басшысы Ж.Төремұратованың баяндамалары тыңдалды.
Арнайы мониторингтік топ отырысының қорытындысы бойынша облыстық білім басқармасы мен қалалық білім беру бөлімі басшыларына аталған мәселе бойынша проблемалық сұрақтарды пысықтап, нәтижесін ата-аналар мен тұрғындарға жеткізу және бұқаралық ақпарат құралдары, баспа құралдары мен әлеуметтік желілерде жария ету ұсынылып, арнайы мониторингтік тобымен бірлесе отырып, облыстың білім саласына тұрақты түрде мониторинг жүргізу туралы шешім қабылданды.