Ардагерлер ерлігі – жастарға үлгі

Кентау қалалық орталықтандырылған кітапханалар жүйесі ұйымдастырған іс-шарада Ауған соғысының ардагері Фахретдин Гахарманов онлайн сұхбат берді.

- Ауған соғысы – кеңес дәуірі тарихының ең қаралы беттерінің бірі. Жүздеген жас азамат жат елде жан тапсырып, мыңдаған отандастарымыз оқ пен оттың ортасынан жарақатпен оралды. Олардың жүрегінде Ауғанстан мәңгілік жан жарасы болып қалып қойды. Жерлестеріміз Иманбаев Мұрат, Қазанғапов Ғалымбай, Саданов Абдикахар мәңгі жадымызда сақталады - деді ардагер.