Қарағанды учаскелік полицейлері отандық жаңа көліктерге мінді.

Қарағанды облысы полицейлерінің паркі 153 автокөлікпен толықты.Полицейлерге жаңа қызметтік көліктер кілтін облыс әкімі Нұрмұхамбет Әбдібеков табыстады.
Шарада өңір басшысы құқық қорғау органдарының материалдық-техникалық базасы нығайып келе жатқанын атап өтті. Биылғы жылы облыстың ішкі істер органдарын жарақтауға 11 млрд. теңгеден астам қаржы бөлінді.
Полиция өкілдеріне берілген отандық автокөліктердің 120-сы «Нива» маркалы болса, 32-сі - «Шкода». Бұдан басқа, «Тойота Хайс» маркалы көлік базасында құрылған «Автоураган» аппараттық-бағдарламалық кешені сатып алынды. Ол жол-патрульдік полициясына арналған.