Мемлекеттің бас санитар дәрігері Жандарбек Бекшиннің хабарлауы бойынша, қалалық әкімдік кинотеатрлар мен ойын сауық орталықтарының ашылуына қатысты нақты шешім қабылдамаған, сонымен бірге митингтік шараларға шектеу қою туралы іс те қарастырылу үстінде.
- Кинотеатрлардың ашылуы ауру өсуі бойынша "жасыл аймақта" тұрған өңірлерге қатысты болады. Егер бір жерде елеулі өсу болса, кинотеатрларды ашу туралы әңгіме болуы мүмкін емес. Сауда орталықтарына келетін болсақ: олар қазір бізде жұмыс істейді. Енді мәселе сенбіде сағат 17:00-ге дейін жұмыс істеуге рұқсат беру туралы. Бұл мәселе жақын арада қалалық штабта қаралатын болады. Әрине, қалада қалыптасқан эпидемиологиялық жағдайды ескере отырып, - деп нақтылады Жандарбек Бекшин.
Халық көп жиналатын митингтерге тыйым салу мүмкіндігі туралы айта отырып, қаланың бас дәрігері пандемия кезінде бір уақытта оннан аспайтын адамның жиналуына рұқсат етілгенін еске салды. Сонымен қатар, оның айтуынша, митингтерді ұйымдастырушылар барлық санитарлық-эпидемиологиялық талаптарды сақтай отырып, оларды өткізу жағдайларын қамтамасыз ете алмайтынын көрсетті.
- Қыркүйек айында мүмкіндік берілген, содан кейін ауру бір деңгейде болды. Митингілер қауіпсіздік шараларын сақтай отырып өткізілді. Бірақ соңында журналистер мен блогерлер спикерлерді барлық жағынан жауып тастағанда, барлығы бетперде киген жоқ, ешкім әлеуметтік қашықтықты сақтаған жоқ. Мұндай сәттер өзіне қауіп төндіреді, - деп нақтылады Бекшин.
Бұған дейін Жандарбек Бекшин Алматыда коронавирустық инфекциямен сырқаттанушылықтың өсу үрдісі байқалғанын хабарлады.
"Жасыл аймақтарда" 24-қазаннан бастап ел билігі сенбіден сағат 17:00-ге дейін ОСО, сауда үйлері, жабық базарлар жұмысын қайта бастауға рұқсат берді. Сондай - ақ, 26-қазаннан бастап мұнда қашықтық пен маска режимін сақтай отырып, толымдылығы 30% - дан аспайтын кинотеатрлар қайта ашылады. "Жасыл аймаққа" Шығыс Қазақстан облысынан басқа еліміздің барлық өңірлері кірді.
Мұқаба суреті
.jpg){kind=link}