Алматы қаласы Төтенше жағдайлар департаментінің бастығы Б.С.Құтпановтың бастамасымен Алматы қаласы ТЖД-ның қызметкерлері «Жанұя» балалар үйіне барды.

Балалар үйінің директоры Л.Құлсаринаның айтуынша, пана тауып, тірек көріп жатқан балалардың саны 409. Олардың көбіне күтім, қымбат ем жасау керек. Директор Алматы қаласы ТЖД қызметкерлеріне көрсеткен қайырымдылық көмектері үшін алғыс білдірді, қиындыққа толы жұмыстарына табыс тіледі.
Алғыс ретінде балалар үйінің бүлдіршіндері шағын сахналық қойылым қойып, ән-айтып, би билеп, өз өнерлерін көрсетті.