Академия тыңдаушыларына кезекті дәріс оқылды
2020 жылдың 3 маусымында «Antikor ortalygy» сервистік орталығында ZOOM қосымшасы арқылы ҚР Президенті жанындағы мемлекеттік басқару академиясы тыңдаушыларына дәріс оқылды.
Дәріс тыңдаушылары – облыстық басқармалар, Ақжайық, Бөрлі, Жәнібек, Теректі аудандары мен Орал қаласы жергілікті атқарушы органдарының және Жәнібек ауданы мәслихатының мемлекеттік қызметшілері.
Дәріс барысында ҚР 2015-2025 жылдарға арналған сыбайлас жемқорлыққа қарсы стратегиясы, «Сыбайлас жемқорлыққа қарсы іс-қимыл туралы» Заңы, Сыбайлас жемқорлыққа қарсы іс-қимыл туралы ұлттық баяндама, сыбайлас жемқорлыққа қарсы мониторинг, сыбайлас жемқорлық тәуекелдерін талдауды жүргізу тәртіптері түсіндірілді.
Сонымен қатар, сыбайлас жемқорлыққа қарсы шектеулер, қоғам өкілдерін іс-шараларға қатыстыру мәселелері түсіндіріліп, тыңдаушылар тарапынан қойлыған сұрақтарға жауап берілді.