«Ақжайық – адалдық алаңы» жобасы БҚО көліктік бақылау инспекциясы ұжымына түсіндірілді
2019 жылдың 9 ақпанында Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл Агенттігінің Батыс Қазақстан облысы бойынша Департаментімен құрылған «Парасыз болашаққа. Бірге!» мобильді тобының мүшелері БҚО көліктік бақылау инспекциясы ұжымымен кезекті кездесуін өткізді.
Мобильді топ мүшелері және «Ақжайық – адалдық алаңы» жобалық кеңсесі басшысының орынбасары шараға қатысушыларға қоғамда сыбайлас жемқорлыққа қарсы мәдениет қалыптастырудың және оны көтерудің, сыбайлас жемқорлық құқық бұзушылықтарының алдын-алудың маңыздылығы және «Ақжайық – адалдық алаңы» жобалық кеңсесінің жұмысының негізгі бағыттары жөнінде түсіндірді.