«Ақжайық – адалдық алаңы» жобалық кеңсесі ашылды

2018 жылдың 19 желтоқсанда Батыс Қазақстан облысына жұмыс сапарымен Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл Агенттігінің аппарат басшысы Саян Ахметжанов келді.

Жұмыс сапары барысында «Ақжайық – адалдық алаңы» жобалық кеңсесінің жұмысы таныстырылды.

Жобаны іске асырудың негізгі бастамасы 2018 жылдың 5 қазандағы Елбасының "Қазақстандықтардың әл-ауқатының өсуі: табыс пен тұрмыс сапасын арттыру» Жолдауы болып табылады.

Шараға Батыс Қазақстан облысының әкімі А.Көлгінов, Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл Агенттігінің аппарат басшысы С.Ахметжанов, облыс әкімінің орынбасары Ғ.Оспанқұлов, Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл Агенттігінің Батыс Қазақстан облысы бойынша Департаментінің басшысы, Әдеп жөніндегі кеңес төрағасы Б.Исақов, Сыбайлас жемқорлыққа қарсы іс-қимыл ұлттық бюросының (Сыбайлас жемқорлыққа қарсы қызмет) Батыс Қазақстан облысы бойынша департаментінің басшысы Р.Ақмырзаев, ҮЕҰ мен БАҚ өкілдері қатысты.

«Ақжайық – адалдық алаңы» жобасының миссиясы Батыс Қазақстан облысында азаматтардың мемлекеттік билік институттарына сенімін арттыру, жемқорлық деңгейін төмендету және сыбайлас жемқорлықты қабылдамаудың қоғамдық ахуалын қалыптастыру болып табылады.