Ақтауда Тұңғыш Президент күні қарсаңында "дөңгелек үстел" өтті

30 қараша күні Ақтау қаласындағы №23 орта мектепте Тұңғыш Президент күніне арналған дөңгелек үстел өткізілді. Оған "Nur Otan" партиясының Маңғыстау облыстық филиалының өкілдері, мектеп басшылығы мен жас педагогтары қатысты.

"Nur Otan" партиясы Маңғыстау облыстық филиалының бірінші орынбасары Елубай Әбілов қатысушыларды мерекемен құттықтап, Тұңғыш Президенттің ел өміріндегі рөлін атап өтті.

- Еліміздің барлық маңызды жетістіктері Қазақстанның Тұңғыш Президенті Нұрсұлтан Назарбаевтың есімімен байланысты. Оның стратегиясын іске асырудың арқасында ішкі тұрақтылық сақталып, тиімді экономика құрылды. Ең бастысы - осы тұрақтылықты, бейбітшілік пен бірлікті сақтау, - деп атап өтті Е.Әбілов.

Сондай-ақ, Е.Әбілов жастардың оқуы мен жұмыс істеуі үшін бүгінде өңірде жақсы жағдайлар жасалғанын атап өтіп, оған табыс тіледі.

Мерекелік іс-шараны өткізу орны ретінде №23 ОМ таңдалғаны бекер емес. Бұл мектеп Ақтаудағы халықтар арасындағы достықтың дәлелі болып табылады, онда 21 ұлттың балалары оқиды. Мұнда балалар Ассамблеясының кабинеті және Тұңғыш Президент кабинеті бар, онда кездесулер, дөңгелек үстелдер, мерекелік іс-шаралар өтеді. Бұл туралы № 23" ОМ директоры Зарифа Казиева айтты:

- Біздің мектепте оқыту қазақ және орыс тілдерінде жүргізіледі. 1997 жылы біздің мектепте кіші ассамблея құру идеясы пайда болды. Біз балалар Ассамблеясын жұмыс түрі ретінде таңдап, мектепте оқыған 21 ұлттың балаларын біріктірдік, - дейді ол.- Осы формада біз әлі де жұмыс істейміз.

Тұңғыш Президент кабинеті 2017 жылы ашылды. Мұнда оқушылар мен педагогтар Тұңғыш Президент Н. Назарбаевтың құжаттары мен еңбектерін оқып, жұмыс істей алады.

Дөңгелек үстел барысында қатысушылар өз пікірлерімен алмасты. Кездесу естелік суретке түсумен аяқталды.

Осы тақырып бойынша