Ақшұқыр ауылының мектеп мұғалімдерімен, балабақша тәрбиешілерімен кездесу

"AMANAT" партиясы Түпқараған аудандық филиалының жанынан құрылған ақпараттық насихаттау тобының мүшелері С.Жолдасова, К.Касымова, Б.Жулдебаева, Н.Адеков ҚР Президенті Қасым-Жомарт Тоқаевтың «Әділетті мемлекет. Біртұтас ұлт. Берекелі қоғам» атты Қазақстан халқына Жолдауын талқылау мақсатында Ақшұқыр аулында мектеп мұғалімдері мен бала-бақша тәрбиешілерімен кездесу өткізді.

Кездесу барысында Мемлекет басшысы Қасым-Жомарт Кемелұлы Тоқаевтың "Әділетті мемлекет. Біртұтас ұлт. Берекелі қоғам" атты Қазақстан халқына арнаған Жолдауынан туындайтын міндеттері, басым бағыттары халық талап ететін реформаларды жүргізу, ұлттың әлеуетін арттыруда шешуші рөл атқаратын білім беру жүйесініде әрбір жас бүлдіршіндерге мектепке дейінгі оқу-тәрбие берілу керектілігі, бала-бақшалар мен мектепке дейінгі білім беру орындарын көбейту үшін жұмыс жасауды, ұстардардың еңбек ақысы, білімді ұрпақтың ел болашағы екенін айтылды.

Светлана Түгелқызы- Ұлы Ұстаз Ахмет Байтұрсынұлының «Білімді болуға оқу керек. Бай болуға кәсіп керек. Күшті болуға бірлік керек. Осы керектердің жолында жұмыс керек» деді.

Ақпараттық топ мүшелері қазіргідей жаңарған жаңа заманда еліміздің әрбір азаматы жоғары білім мен табанды еңбектің нәтижесінде ғана биік белестерден көрінетіні жайында айтып, ел азаматтарын, отанымыздың алдында адал қызмет етуге, абройлы іс жасауға, терең білім алып, ерінбей еңбек етуге шақырды.