15 қараша - Бейімбет Майлиннің туған күні!

Бейімбет Майлин 1894 жылы 15-ші қарашада Қостанай облысында дүниеге келген. Кейін 1911-1915 жылдар аралығында Троицк қаласындағы «Уазифа» медресеге оқуға түседі. Ал 1916-1922 жылдары Бейімбет Майлин туған ауылында мұғалім болып жұмыс істейді. Бұл кезеңде қазақ тілінде шығатын газет және журнал беттерінде оның өлеңдері, очерктері жарияланады. Оның қаламынан шыққан «Күлпәш» және «Шұғаның белгісі» сынды повестер әлі күнде оқырманын жоғалтқан емес.