• 98268
  • 69
  • 6
Нравится блог?
Подписывайтесь!

ЭКСПО-2017-ге дауыс беруден кейінгі жыл – баспасөз мәслихаты жөнінде есеп

Кеше Астана қаласында ЭКСПО-2017 Халықаралық мамандандырылған көрмесіне дайындық барысы туралы есептік баспасөз мәслихаты өтті. Бұл іс-шараның өткізілуі туралы жарнаманы мен өтіп кеткен посттардың бірінде жасаған едім, енді баспасөз мәслихатында қарастырылған мәселелер жөнінде айтатын уақыт келіп жетті. баспасөз мәслихатына ЭКСПО-2017 Халықаралық мамандандырылған көрмесінің комиссары, Қазақстан Республикасы Сыртқы істер министрінің бірінші орынбасары Рапіл Жошыбаев және «Астана ЭКСПО-2017» ҰК» АҚ Басқарма Басшысы Талғат Ермегияев қатысты.

Ең алдымен жиналған журналистер ағымдағы жылы ЭКСПО-2017-ге дайындық шараларына байланысты елеулі оқиғалармен танысты. Ұйымдастырушылар бұндай оқиғалар санатына көрме кешенінің ең жақсы нобай-жобасына халықаралық сәулет конкурс өткізуді, ЭКСПО бойынша заң жобасын қабылдауды, мемлекеттік комиссияда Тіркеу дерекнамасын әзірлеу және бекітуді, көрменің жаңа логотипін таңдауды жатқызды. Бүгінгі күні ЭКСПО-2017 көрмесіне дайындық бойынша он жұмыс штабы құрылды. «Астана ЭКСПО-2017» ҰК» АҚ жанында ЭКСПО-2017 инфрақұрылымын дамыту және объектілерін салу жөніндегі штаб жұмыс жасайды. Сонымен бірге, «ЭКСПО-2017 халықаралық мамандандырылған көрмесін дайындау және өткізу жөніндегі дирекциясы» ЖШС жанында қаланың инфрақұрылымын дамыту және объектілерді салу штабы қызмет етеді.
Энергияның жаңғыртылатын көздерін пайдалануды және инвестицияларды тартуды, сондай-ақ туризмді дамытумен ҚР Индустрия және жаңа технологиялар министрлігі, ғылыми және кадрлық қамтамасыз етумен ҚР Білім және ғылым министрлігі айналысады. Штабтардан бөлек, «ЭКСПО-2017»-ге шетелдік қатысу жөніндегі жұмыс тобы құрылды. –«Топтың негізгі міндеті – Қазақстанның имиджін көтеру, туризмді дамыту, қазақстандық және шетелдік қатысушылар мен келушілерді тарту, сондай-ақ олармен Қазақстанда болған кезінде жұмыс істеу», - деп хабарлады өзінің сөзінде Қазақстан Ресспубликасы Сыртқы істер министрінің бірінші орынбсары Рапіл Жошыбаев. 2013 жыл бойы ЭКСПО-2017 Халықаралық мамандандырылған көрмесін өткізу шеңберінде Р. Жошыбаев бірқатар елдерде болып қайтты. ЭКСПО-2017 комиссары жұмыс сапарымен Ұлыбритания, Австрия, Германия, Италия, Қытай, Латвия, Оңтүстік Корея, Францияға барып, «ЭКСПО-2017» жобасы бойынша алдын-ала келіссөздер жүргізді.

«Астана ЭКСПО-2017» ҰК» АҚ Басқарма Басшысы Талғат Ермегияев халықаралық көрме объектілерінің құрылысына қатысты болашақтағы жоспарлармен бөлісті: «2014 жылғы көктемде ЭКСПО-2017 объектілерінің құрылысы басталады. Бұл үлкен жауапкершілік екенін түсінеміз. ЭКСПО-2017 ұлттық масштабтағы оқиға, және дәл осы жағдайда, Қазақстан азаматтарының белсенді қатысуы оның сәтті өтуінің кепілі. Өз тарапымыздан біз ЭКСПО-2017-ні бүкіл әлемге ең жоғары деңгейде таныту үшін қолдан келгеннің бәрін жасаймыз!».
Талғат Ермегиявтің айтуынша мамандандырылған көрме болғандықтан ЭКСПО-2017 барлық павильондары мен объектілерінің құрылысын Қазақстан жүргізеді. – «Бұл мамандандырылған көрме екенін түсіну керек, яғни ешкім (шетел өкілдері) өз павильонын салмайды, барлық павильондар мен объектілердің құрылысын біз жүргіземіз. Ал елдер өз өнімін ұсынатын павильондарды қаржыландыру жұмыстары ЭКСПО-ның ресми туын алғанымыздан кейін басталады. Әмбебап көрмелерде нысандарды мемлекеттің өзі салады. Яғни ол кейін ысырылатын уақытша ғимарат болады». Астанадағы ЭКСПО-2017 объектілерінің құрылысы шар тәрізді имаратты салудан басталады. – «Ең алдымен, инженерлік желілерді көшіру, жер жұмыстарын жүргізуден бастаймыз, жылдың соңына қарай нөлдік циклге көшуге тиіспіз. Бар назарды бірегей ғимарат «Шарға» бөлеміз. Бұл орталықта орналасатын әлемде жоқ негізгі ғимарат» - деді Т. Ермегияев.

«Астана ЭКСПО-2017» ұлттық компаниясының бас сәулетшісі Айдар Мараттың айтуынша, тиімді материалдық реттегіш қасиетіне және құрылымына байланысты шар –табиғатта ең көп таралған формалардың бірі.
«Қазақстандық павильонның нобайы табиғаттан шабыт алуға, болашақ экологиялық нобайды қалыптастыруға мүмкіндік береді», - деді А. Марат.
Көрме 2017 жылы қазақстандық елордаға миллиондаған туристерді тартады деп жоспарланып отыр, сондықтан жұмыстың үлкен көлемі осы бағытта жүргізілуде. Бірінші кезекте бұл инфрақұрылымды даярлау: Астана халаықаралық әуежайының екінші терминалын салу, келер жылы жаңа теміржол вокзалының құрылысы басталады, жүрдек автобус қатынасы жіберіледі, экотакси және басқа қызметтер дамытылады. Журналистерге айтқан сөзінде Рәпіл Жошыбаев ЭКСПО-2017 өткізілуіне орай Астана бағытындағы халықаралық әуе рейстерінің санын көбейту жоспарлануда деді.
Сонымен бірге, Қазақстан астанасының қонақтары үшін туристік пакет – қызықты мәдени бағдарлама әзірленеді, ол көрмеден бөлек көрсетіледі. ЭКСПО-2017 павильондарын үлестіру жұмыстары ресми туды алғаннан кейін басталады.
- «Қазіргі таңда елдерге көрмеге қатысу ұсынысын жасай алмаймыз, олар мұны біледі, дегенмен алдын-ала келіссөздерді жүргізіп жатырмыз. Әзірге тұжырым толық бекітіліп, тіркеу дерекнамасы мақұлданған жоқ, біреуге павильондарды, орындарды беруге уәделесуге құқымыз жоқ. Бұның барлығы тіркеу дерекнамасы мен ресми туды алғаннан кейін жүргізіледі», - деп хабарлады Талғат Ермегияев.
Қазақстандықтардың көпшілігін мазалайтын маңызды мәселелердің бірі ЭКСПО-2017 өзін-өзі өтеу және оны өткізуге жұмсалатын жалпы шығын сомасы. Халықаралық көрме еліміздің бюджетіне ауыр жүк болып жүрмей ме.
Бұл арада «Астана ЭКСПО-2017» ҰК» АҚ Басқарма төрағасы журналистермен қоса республикамыздың өзге азаматтарын да тыныштандыруға асықты. Оның айтуынша ЭКСПО-2017 көрмесіне жұмсалатын операциялық шығындар толығымен өтеледі.
- «Көрме өткізуден түсетін болжамды табысты біз әзірге есептеген жоқпыз. Қазір екі компаниямен жұмыс істеп жатырмыз, олар екі айдың ішінде болжамды экономикалық нәтижені, қанша адам келетінін және қанша кіріс кіретінін есептеп шығарады. Операциялық шығындарға 283 млн еуро жұмсаймыз, шыққан шығыс көрмені ұйымдастырып, өткізу кезінде толығымен өтеледі. Бұл сандардың барлығы тіркеу құжаттамасында бар», - деп хабарлады Талғат Ермегияев.
«Ал туризмнен, түрлі ұйымдардың жұмысынан келетін мультипликативтік нәтижені біз талдау материалдарын алып, ресми түрде орналастырған кезде, екі айдан кейін білеміз. Бұндай есептер жүргізу үшін мамандандырылған компания керек, ол барлық сектор, экономика және әлеуметтік сала тұрғысынан есептеп шығарып бізге тапсыру керек. Менің ойымша, екі айдан кейін бұндай сандар қолымызда болады»,- деп толықтырды ол.

Соңында баспасөз мәслихатын ұйымдастырушылар ЭКСПО-2017 ресми туын Қазақстан маусым айында алуы мүмкін деді.
«Бір жыл ішінде ауқымды жұмыс атқарылды. 2014 жылды біз қиын жыл дер едік. Біріншіден, тіркеу құжаттамасын қорғаймыз, қазір біз Халықаралық көрмелер бюросы арқылы барлық елдермен жұмыс жүргізіп жатырмыз. Қандай да бір ескертулер, пікірлер түсуі мүмкін, сондықтан ол құжаттаманы түзетіп отыруға тиіспіз. Мақұлданған кезде біз маусым айында ресми туды аламыз. Сол кезде қатысушы елдерді тарту жұмыстарын жүргізе бастаймыз», - деп хабарлады Талғат Ермегияев.
«Компанияның 2013 жылғы негізгі міндеті барлық мемлекеттік органдарда қорғалып, мемлекеттік комиссияда бекітіліп, Халықаралық көрмелер бюросына жіберілуі тиіс тіркеу құжаттамасын әзірлеу болып табылады. Ол құжатты мемлекеттік комиссия бекітіп қойды, енді ХКБ-ге жолдаймыз», - деп толықтырды Талғат Ермегияев.
Жалпы, Талғат Ермегияев қорытындылағандай, ЭКСПО-2017-ге дайындық жылы ретінде 2013 жыл жемісті өтті, барлық базалық жұмыстар жасалды, Мемлекет басшысы қойған міндеттер толық көлемде атқарылды.
Баспасөз маслихатында көтерілген мәселелердің бары осы сияқты, соңында өзге дереккөздерден алынған жаңалықтарға тоқталсам деймін.Алматы қаласы да ЭКСПО-2017 халықаралық көрмесінің өткізілуіне байланысты туристер легін күтуге дайындалып жатыр. Жуырда өткен брифингте Алматы қаласының Мәдениет басқармасының басшысы Қайрат Құлбаев «Астанаға 5 млн-нан астам адам, елге 500 мың шетел туристері келеді. ЭКСПО-2017 дирекциясымен бірлескен жобаларды жоспарлап отырмыз. Шетел туристеріне ұсынатын нәрсеміз көп, болашақта алматылық ұсынысты ұсына аламыз. Бүгінгі форумда «Көк-Жайлау» тау шаңғы курортын, сондай-ақ «Боралдай» тақырыптық парк жобаларын қарастырдық. Осы жерлерді біз қонақтарға көрсете аламыз. Осы бағыттағы жұмыс қланың туризм басқармасымен жүргізіліп жатыр.
Сол брифингте Алматы қаласы әкімінің орынбасары Ербол Шорманов көрмені өткізу мерзіміне қарай мегаполис «ЭКСПО-2017» көрмесінің «Болашақ нергиясы» тақырыбына сәйкес келетін көшені жарықтандырудың жаңа форматына көше алатынын хабарлады. – «Біз жасыл экономика бойынша бірқатар жобаларды іске асырып жатырмыз, соның ішінде көшені жарықтандыру жобасы. Қала қонақтары, көшені жарықтандыруды жаңартқанымызды өз көздерімен көре алады. Осылайша, ЭКСПО-2017 өткізуге өз үлесімізді қосамыз», - деп хабарлады Е. Шорманов.
Жеңіл рельсті трамвай желісі (ЭКСПО-2017 өткізу қарсаңында Астанада құрылысы жоспарланған) салынбайтын болар, оны құны арзанырақ арнайы жолдармен жүретін жүрдек автобус қатынасы алмастырады.
Жеңіл рельсті трамвай желісінің құнын Президент Нұрсұлтан Назарбаев құптамады. Әуежайдан Абу-Даби Плазаға дейін құрылыстың бірінші кешенінің өзіне 235 миллиард теңге қажет, ал қаланы толық қамтитын ЖРТ жүйесінің (арнайы жолдармен жүретін жүрдек автобус қатынасы) құны 135 миллиард теңгеден аспайды.

Otegen7
6 декабря 2013, 6:09
926

Loading...

Комментарии

Оставьте свой комментарий

Спасибо за открытие блога в Yvision.kz! Чтобы убедиться в отсутствии спама, все комментарии новых пользователей проходят премодерацию. Соблюдение правил нашей блог-платформы ускорит ваш переход в категорию надежных пользователей, не нуждающихся в премодерации. Обязательно прочтите наши правила по указанной ссылке: Правила

Также можно нажать Ctrl+Enter

Популярные посты

Исламская ипотека в Казахстане: в этом году выйдет на розничный рынок

Исламская ипотека в Казахстане: в этом году выйдет на розничный рынок

Многие клиенты, вздыхая о харамном ссудном проценте местных банков, сокрушались по поводу отсутствия у нас халяльного кредитования. Поддержка исламского банкинга на уровне МФЦА есть...
DanaJarlygapova
24 марта 2017 / 18:28
  • 19976
  • 59
Компания LG Electronics открыла предзаказ на новый флагман LG G6

Компания LG Electronics открыла предзаказ на новый флагман LG G6

LG Electronics объявляет о начале предварительного заказа онлайн на новый смартфон LG G6. Оформить предзаказ можно на сайтах магазинов электроники до 16 апреля 2017 года.
LG Electronics
24 марта 2017 / 14:20
  • 5100
  • 0
Беременность по-американски. Никто не ждет до 40 дней, с малышом гуляют с первого дня

Беременность по-американски. Никто не ждет до 40 дней, с малышом гуляют с первого дня

Мои волшебные 9 месяцев протекали в новой среде и далеко от всех родственников и подружек. Никто из моих знакомых в США на тот момент не успел обзавестись малышом, поэтому мне не с кем было...
Zarema_
23 марта 2017 / 9:25
  • 5027
  • 16
Страну, где так строят дороги, победить невозможно!

Страну, где так строят дороги, победить невозможно!

Шестиминутный ролик про строительство автомобильной дороги в США - это как острый нож в пузо нашим чиновникам. Они же подавятся бешбармаком, увидев его! Похлеще любого пропагандистского фильма...
Timur_Tregulov
24 марта 2017 / 11:26
  • 4471
  • 38
Это вам не Дисней. Реальный прототип «Красавицы и Чудовища»

Это вам не Дисней. Реальный прототип «Красавицы и Чудовища»

Многие уверенны на 100%, что сказка «Красавица и Чудовище» - это интересная выдумка ее создателей. Однако, действия, происходящие в мультфильме и фильме, имели место в истории, и у главных героев...
Naomi_K
24 марта 2017 / 18:42
  • 4710
  • 34
Семь причин почему вам надо перестать откладывать переезд за границу

Семь причин почему вам надо перестать откладывать переезд за границу

Вы думаете о переезде за границу, но постоянно откладываете дату, потому что вас беспокоит тысяча мелочей, которые могут пойти не так? У меня есть семь причин, почему пора перестать мотать нервы...
Lesch
24 марта 2017 / 17:50
  • 3638
  • 14
Гонения на «Свидетелей Иеговы». Кому это выгодно?

Гонения на «Свидетелей Иеговы». Кому это выгодно?

Я не "Свидетель Иеговы". Мне приходилось защищать в судах и кришнаитов и коммунистов, хотя я и не разделяю их убеждений. Я защищаю свободу совести. Сегодня "Свидетели Иеговы", завтра,- каждый из вас.
nasreddin
25 марта 2017 / 17:18
  • 3723
  • 43
Страна обыденной роскоши: Ташкент-Самарканд-Бухара

Страна обыденной роскоши: Ташкент-Самарканд-Бухара

Узбекистан - это страна, где роскошь стала обыденностью. Это и повсеместный зелёный крупнолистовой чай. И вкусная натуральная еда с минимумом специй. И то, что дети играют среди исторических памятнико
MadinaR
25 марта 2017 / 10:37
  • 2940
  • 59
Посчитав сколько я смогу сэкономить на еде, я понял, что это очень приличная сумма

Посчитав сколько я смогу сэкономить на еде, я понял, что это очень приличная сумма

Именно сейчас я начинаю понимать, как себя чувствуют иногородние студенты, которые живут общежитиях у нас в Алматы. Я не говорю, что они живут плохо, но многие из них рассчитывают только на свои...
noyanovmyras
23 марта 2017 / 0:18
  • 3362
  • 62