13.04.2024 күні “Таза Қазақстан” республикалық акциясы бойынша сенбілік өткізілді. Сенбілікке ҚазҰУ студенттері белсенді қатысып, ҚазҰУ қалашығын тазартты. Тазалық шарасына университет басшылығынан бастап 16 факультеттің оқытушы-профессорлар құрамы мен студенттері қатысты. Сенбілікке қатысқан барлық адамдарға қалашықтың аумағынан арнайы аймақтар бөлініп берілді. 10000-ға жуық адам қалашықты қоқыстан, жапырақтардан және бұтақтардан тазартты.
Қалашықта өткен сенбілікке университет ректоры Түймебаев Жансейіт Қансейітұлы арнайы келіп қатысты. Білім ордасының басшысы студенттермен пікірлесіп, қоршаған ортаға қамқор болуға шақырып, ҚазҰУ-да алдағы уақытта болатын өзгерістермен бөлісті.
Сенбілікке барлық факультеттің студенттері белсені қатысты. Журналистика факультетінің 1-3 курс студенттері Заң факультетінің алдындағы алаңнан бастап 15-жатақханаға дейінгі аумақта тазарту жұмыстарың жүргізді.
Тазарту жұмыстарына ат салысқан студенттерге керемет көңіл күйлері, қажырлы еңбектері және университет өміріне белсене араласқандары үшін көп рақмет!