---
title: "Стрит фитнес Алматыда"
description: "Стрит фитнес немесе стрит-воркаут көптеген қалаларда орын алған құбылыс. Көптеген парк, аллея, алаң..."
author: "Arsik"
published: "2012-11-12T12:01:00+00:00"
modified: "2012-10-22T22:38:29+00:00"
locale: "ru"
canonical_url: "https://yvision.kz/post/strit-fitnes-almatyda-297835"
markdown_url: "https://yvision.kz/post/strit-fitnes-almatyda-297835/markdown"
site_name: "Yvision.kz"
---

# Стрит фитнес Алматыда

> Стрит фитнес немесе стрит-воркаут көптеген қалаларда орын алған құбылыс. Көптеген парк, аллея, алаң...

![Стрит фитнес Алматыда](https://storage.yvision.kz/images/user/kerbez_/9081NwOWk9TiDBRd5HfQYf7y7Ec3ZN.jpg)

Стрит фитнес немесе стрит-воркаут көптеген қалаларда орын алған құбылыс. Көптеген парк, аллея, алаңдарда орналасқан, ашық аспан аясында жаттығуға мүмкіндік беретін құрылғыларда кез келген адам келіп дене шынықтыра алады. Гоголь көшесінің бойындағы (Мұратбаев көшесінің қиылысы) осындай алаңға спорт сүйер жігіт Ерқанат Атабаев келген еді.

Тегін жаттығу құрылғыларында пресс, қол-аяқ бұлшық еттерін шынықтыруға, жалпы ағзаның тонусын күшейтуге болады. Кейбір жаттығу түрлеріне назар аударайық:

**Веложаттығу**

![Стрит фитнес Алматыда](https://storage.yvision.kz/images/user/kerbez_/9kKoOh7P6wK2Q1v3pMmDs0KZxOIe9e.jpg)

Әр жастағы, кез келген дайындықтағы адамдарға келе беретін кардиожаттығудың ең танымал түрі. Бұл жаттығуда аяқ бұлшық еттері жұмыс істейді. Сондай-ақ жүрек-тамыр жүйесін жақсарады. Фитнестің алғашқы жаттығуы ретінде жақсы.

**"Шабандоз"**

![Стрит фитнес Алматыда](https://storage.yvision.kz/images/user/kerbez_/9toS11gaSx59Q0cofn48ij38ZPhfXL.jpg)

Жалпы дене күшіне бағытталған жаттығу түрі. Аяғын баса отырып, жаттығушы денесін көтереді. Қол бұлшық еттерін де жұмыс істетеді.

**"Шаңғышы"**

**

![Стрит фитнес Алматыда](https://storage.yvision.kz/images/user/kerbez_/k1p13zoz2odXp8cCFX7ED0j29D4LGN.jpg)

**

Аяқ, жамбас буыны, бел, қол, білек бұлшық еттерінің комплекстық жұмыс істеуі. Жаттығушы педальға тұрып, шаңғыда сырғанап бара жатқандай болады.

**Белді тербету**

![Стрит фитнес Алматыда](https://storage.yvision.kz/images/user/kerbez_/Zhu7944JGpOuh8GzVcx4y4bjf7Jus0.jpg)

Бел буынын қатайтуға арналған жаттығу түрі. Сондай-ақ, бұл фитнес жаттығу іш бұлшық еттерін қимылдатады.

**Жүрісті келтіретін жаттығу**

**

![Стрит фитнес Алматыда](https://storage.yvision.kz/images/user/kerbez_/MJ1Pw7RRZo247Jtp8R5If5W6FEZlw9.jpg)

**

Бұл жаттығу белден төмен барлық бұлшық еттерін қозғалысқа келтіреді. Жаттығу барысында арқаны тік ұстау керек. Бір жаққа ауып кетпей, балансты дұрыс ұстау қажет.

![Стрит фитнес Алматыда](https://storage.yvision.kz/images/user/kerbez_/2JUHVrd3QGpc8KCabspvW4gkZRp68l.jpg)

***Ерқанат:***

- Жалпы өзім 2,5 жылдай кикбоксингпен айналысқанмын. Қазірде белсенді спортпен шұғылданбасам да, күн сайын жаттығулар жасауды, осылай аптасына 2-3 рет фитнеспен айналысқанды құп көремін. Стрит фитнес тек қолжетімді емес, кең кеңістікте жаттығуға мүмкіндік береді. Даладағы дене шынықтырудың пайдасы зор деп білем. "Бой тынықпай, ой тынықпайды" дегендей, ашық ауада бойың да, ойың да тынығып қалады. Осындай жаттығу алаңдары қаламызда көбейе берсе екен деймін.

![Стрит фитнес Алматыда](https://storage.yvision.kz/images/user/kerbez_/3a6qP3WTaSeg0E9ymQq4j3XEw2DmO4.jpg)

*Спортты сүйіңіздер!*

*Материалды дайындаған: Айжан Кәрібаева*

*Фото: Әлия Сембай*

---

Source: [https://yvision.kz/post/strit-fitnes-almatyda-297835](https://yvision.kz/post/strit-fitnes-almatyda-297835)