---
title: "Qyz alyp qashqany úshin 12 jyl túrmede otyrýy múmkin"
description: "Qorǵaýshy Asel Toqaeva qalyńdyq urlaýdy adam urlaýmen teńestirmeýdi surady. \"Qazaqstan advoka..."
author: "zhazbalar"
published: "2018-02-20T11:41:48+00:00"
modified: "2018-02-20T11:41:48+00:00"
locale: "ru"
canonical_url: "https://yvision.kz/post/qyz-alyp-qashqany-u-shin-12-jyl-tu-rmede-otyry-y-mu-mkin-797337"
markdown_url: "https://yvision.kz/post/qyz-alyp-qashqany-u-shin-12-jyl-tu-rmede-otyry-y-mu-mkin-797337/markdown"
site_name: "Yvision.kz"
---

# Qyz alyp qashqany úshin 12 jyl túrmede otyrýy múmkin

> Qorǵaýshy Asel Toqaeva qalyńdyq urlaýdy adam urlaýmen teńestirmeýdi surady. "Qazaqstan advoka...

Qorǵaýshy Asel Toqaeva qalyńdyq urlaýdy adam urlaýmen teńestirmeýdi surady.

"Qazaqstan advokattar" tobynyń zańgeri Rýslan Shaǵataev óz áriptesterine joldaǵan sózinde, onyń klıentiniń Qazaqstan Respýblıkasy Qylmystyq kodeksiniń 125-baby 2-bólimi, 1, 3-tarmaqtary (aldyn ala josparmen top bolyp adam urlaý ) boıynsha aıyptalyp jatqanyn aıtty.

"Meniń qorǵalýshym jaýapsyz mahabbattan óziniń súıiktisin joǵaltýǵa qorqyp, ony qazaqtyń dástúri boıynsha alyp qashýǵa bel býady, qyzdy úıine alyp kelip, ata-anasymen tanystyryp, óziniń jary etkisi keledi. Dosynan kómek suraıdy, dosy taǵy úsh dosyn shaqyrady. Osylaısha, sońǵy tórteýi qyzdy jumys ornynan alyp qashyp, jigittiń úıine alyp keledi. Al 40 mınýttan keıin polısia keledi. Alyp qashý kezinde eshqandaı kúsh qoldaný bolmaǵan. Úıde jábirlenýshi jigitke bas salyp, betinen ura bastaǵan. Jigit óz kezeginde, qyzdy sabasyna túsirý maqsatymen, betinen shapalaqpen bir ret uryp jibergen, qyzdyń betinde azdaǵan izi qalǵan. Basqa kúsh qoldaný belgileri joq. Qyz aýrýhanaǵa medısınalyq kómek alýǵa júginbegen",-dep jazdy Shagataev.

Onyń aıtýynsha, aıyptalýshylar kinálaryn moıyndaǵan. Alaıda, qyz ákesiniń yqpalymen olardy keshirmeı, sottan olardy jazalaýdy suraıdy.Aıyptalýshylar 5 jyldan 12 jylǵa deıin bas bostandyǵynan aıyrylýy múmkin.

Jarialanymǵa jaýap retinde, Astana advokattar alqasynyń múshesi Asel Toqaeva, qalyńdyqtyń urlanýyna baılanysty sebepterdi eskerý kerek ekendigin aıtty.

"Erli-zaıyptylyq qatynastar ornatý maqsatynda jeke adamdy urlaý týraly usynys engizý kerek, jáne jazalaýdy da basqasha júzege asyrý kerek, óıtkeni basqa maqsattar úshin naqty urlaýmen úılený maqsatynda alyp qashýdy salystyrý múmkin emes", - deıdi ol.

Ol sondaı-aq, Shaǵataevqa is boıynsha maqala jasap, usynysyn Joǵarǵy sotqa jáne Bas prokýratýraǵa jiberýdi usyndy.

Qyzdy urlaý nemese urlaý arqyly neke qıiý - bul Kavkazda, Qyrǵyzstan, Qazaqstan, Efıopia jáne basqa da elderde kezdesetin zorlyqpen neke qıiý tájirıbesi. Sondaı-aq, ejelde qalyńdyqtyń urlanýy túrki halyqtarynyń arasynda taraldy. Álemniń kóptegen elderinde neke qıiýdyń bul túri zańdy emes, qylmys dep tanylady.

---

Source: [https://yvision.kz/post/qyz-alyp-qashqany-u-shin-12-jyl-tu-rmede-otyry-y-mu-mkin-797337](https://yvision.kz/post/qyz-alyp-qashqany-u-shin-12-jyl-tu-rmede-otyry-y-mu-mkin-797337)