---
title: "Ба Душанбе хуш омадед!"
description: "Яғни, Душанбе қаласына қош келдіңіз! Зуылдаған өмірден демалып, Шығысты сезгіңіз келсе, Алматыдан ұш..."
author: "Qaseke"
published: "2011-08-17T04:44:19+00:00"
modified: "2011-08-17T05:31:02+00:00"
locale: "ru"
canonical_url: "https://yvision.kz/post/ba-dushanbe-hush-omaded-183744"
markdown_url: "https://yvision.kz/post/ba-dushanbe-hush-omaded-183744/markdown"
site_name: "Yvision.kz"
---

# Ба Душанбе хуш омадед!

> Яғни, Душанбе қаласына қош келдіңіз! Зуылдаған өмірден демалып, Шығысты сезгіңіз келсе, Алматыдан ұш...

Яғни, Душанбе қаласына қош келдіңіз!

Зуылдаған өмірден демалып, Шығысты сезгіңіз келсе, Алматыдан ұшақпен ең көп дегенде 2 сағат. Эйр Астанамен қатар, тәжікстандық Сомон Эйр компаниясы Boeing 737-800 ұшағымен ұшады.

![Ба Душанбе хуш омадед!](https://storage.yvision.kz/images/user/qaseke/QG3Ibdfj7Jkd0D3MCw2ESj70exBXW4.jpg)

Жерлестеріміз көп бара бермейтін қала, бірақ Душанбенің дәл ортасында Қазкомның кеңсесі, ал сұрап көрсем Қазақмыстың филиалы да бар екен. Қазақстан азаматтары 30 тәулік бойы көші-қон полициясында ешқандай тіркелусіз жүре алады, жалпы милиция қызметкерлері Қазақстан паспортын көрсе "ооо, дост, хуш омадед" деп қоя береді.

Бір байқағаным, тәжік халқы салт-дәстүрге көп көңіл бөледі, көшедегі қыз-келіншектердің көбі ұлттық нақышта тігілген көйлек киіп, бастарына шыт тағып жүреді. Әрине, азаматтар бір-бірімен тек қана ана тілінде сөйлеседі, мемлекеттік іс қағаздар, іс жүргізу, дүкен/көше атаулары - мемлекеттік тілде. Қызмет көрсету саласы дамыған. Бензин қымбат болса да, такси Алматыға қарағанда арзан. Тәшкентте Дэу көп болса, Душанбеде Опель №1 көлік. Көлік бағасы бізге қарағанда ана-ғұрлым арзан, көбісі БАӘден әкелінген, сондықтан 1ші шілденің алдында қазақтар Душанбеден де көлік тасыған екен. Кезінде Жапониядан әкелінген оң жақ рүлді көліктер, қазіргі кезде жаппай сол жаққа ауыстырылған, мемлекеттің талабы. Душанбеден Қырғызстан шекарасына қарай кететін жол ақылы. Менің ойымша, Орта Азиядағы бірінші ақылы жол.

Шетелге барғанда ұлттық тағамнан дәм тату абзал. Егер барып қалсаңыз, палау, кәуәптан бұрын "құртоб" деген тағамды іздеңіз, өте дәмді:

![Ба Душанбе хуш омадед!](https://storage.yvision.kz/images/user/qaseke/ztAieMk3Rqi7g9pR595jMbBCofyMHc.jpg)

Кішкене бауырсақты көріп тұрсыз ба?))

Душанбенің шығыс жағында, жотада қалалық бақ орналасқан, Көктөбеге ұқсайды. Жотаның басында Ұлы Отан Соғысында жараланып, Душанбеде орналасқан әскери госпитальда қайтыс болғандар жерленген комплекс және ҰОС арналған ескерткіш:

![Ба Душанбе хуш омадед!](https://storage.yvision.kz/images/user/qaseke/ndS15EZFSCKqB9n95pb3U6NK121kRA.jpg)

Арықта таза су, көшеде/арықта қоқыс көрінбейді(бұл жер үйлер салынған аудан):

![Ба Душанбе хуш омадед!](https://storage.yvision.kz/images/user/qaseke/68RHC1JfKzIs61nX8Ada8jKBi1YhbY.jpg)

Варзоб демалыс аймағында ағып жатқан таулы өзен, атауы Варзоб шығар))

![Ба Душанбе хуш омадед!](https://storage.yvision.kz/images/user/qaseke/LGuz07hFlzUlRpR4qSqIhJMFeG1O2n.jpg)

![Ба Душанбе хуш омадед!](https://storage.yvision.kz/images/user/qaseke/n7Cv6RFcsps4yHMY1eiaWn4h6jmpxk.jpg)

Жоғарыда айтып кеткен ақылы жолдың сапасын мына суреттен көруге болады:

![Ба Душанбе хуш омадед!](https://storage.yvision.kz/images/user/qaseke/330qUeHYKVp4frbJpS1K1iCxatA58c.jpg)

Душанбенің айналасында демалыс орындары көп, соның біреуі теңіз деңгейінен 2000 м биіктікте орналасқан, радон көздері бар "Сароб" емханасы. Бұл жерде радон хауызы, жердің астынан шыққан бу, тағы да басқа емдік қасиеттері бар процедураларды қабылдауға болады. Бірақ шыққаннан кейін 100 грамм кем болмайтын шығар деп шештім..

![Ба Душанбе хуш омадед!](https://storage.yvision.kz/images/user/qaseke/3cF76LSSjFqM72gUh1iAbxnom4SBd0.jpg)

айналаның бәрі тау, тас, өзен..

![Ба Душанбе хуш омадед!](https://storage.yvision.kz/images/user/qaseke/fE4sDheU8NPauU8WhvR52qOnxifFE5.jpg)

Бірінші рет жазып отырғандықтан болар, майын тамызып тұрып жаза алмадым, түзелуге уәде берем!

---

Source: [https://yvision.kz/post/ba-dushanbe-hush-omaded-183744](https://yvision.kz/post/ba-dushanbe-hush-omaded-183744)