2010 жылы ең қымбат дүние сатып алған миллиардерлер

Ардабек Солдатбай 2010 M12 22
855
0
0
0

Forbes журналының дүйскенбі күні жариялаған мәліметтері бойынша биыл ең қымбат сауда жасаған ресейлік Роман Абрамович болып отыр. Ол Санкт-Петербордағы Новая Голландия деген аралды 400 млн. долларға...

Forbes журналының дүйскенбі күні жариялаған мәліметтері бойынша биыл ең қымбат сауда жасаған ресейлік Роман Абрамович болып отыр.

Ол Санкт-Петербордағы Новая Голландия деген аралды 400 млн. долларға сатып алыпты. Ол аралдағы 18-ғасырда салынған қоймаларды көркемөнер галереясына, сауда бутиктері, қонақ үйлер мен ресторандарға айналдырғысы келеді. Орыс байының жиған-тергені 11,2 миллиард доллар дейді Forbes журналы.

Журнал жасаған тізім бойынша екінші орында хедж-қордың басшысы Стивен Коэн келеді. Ол танымалкартина жинаушы. 2010 жылы заманауи арт-нарыққа 145,4 миллион доллар жұмсаған. Ол биыл саудаға шығып ең қымбат бағаға сатылған өнер туындылары – Джаспер Джонсонның «Туы» мен Энди Уорхолдың «Кока-кола» бөтелкесін сатып алды.

Пәкістандық бірінші бай Миан Мухаммед Манша үшінші орынға тұрақтады. Ол Лондондағы St.James Hotel&Club-ты сатып алды. Әр бөлмесіне 1,5 миллион доллардан жұмсап, барлығы 95 миллион доллар берген.

Жылжымайтын мүлік сатып алудан әлемдегі ең бай адамдардың бірі Карлос Слим де қалысар емес. Ол Нью-Йорктің бесінші авенюіндегі «Метрполитен» музейіне қарама қарсы тұрған особнякты 44 миллион долларға сатып алды. Ал мұнайгаз магнаты Келси Уоррен Колорадо штатындағы АҚШ-тағы ең үлкен ранчоны 46,5 миллион долларға сатып алды.

Британ зергері Лоренс Графф қымбат бриллианттар сатып алуын жалғастыруда. Биыл асыл тас нарығында ең қымбат бағаға сатылған салмағы 25 карат болатын қызғылт бриллиантқа ол 46 миллион доллар жұмсады. Әлемде сирек кездесетін тасқа қожасының құрметіне «Қызғылт Графф» деген ат берілді.

Биыл байлыққа мелшектеген байлар көңілі құлаған дүниесіне қаржысын аямады. Мәселен, Гон-конг байы Джозеф Лау қытайлар ұзақ жасаудың символы санайтын антикалық құстың екі мүсініне 16,7 миллион долларын берді. Ат жарысына жаны құмар дубайлық шейх Мухаммед бин Рашид Аль Мактум Лондон аукционында асылтұқымды 24 жылқыны 5,4 миллион долларға сатып алды.

Ал еріккенің ермегі үшін ақша жұмсаған бай Макаодағы казиноның иесі Стэнли Хо болды. Ол кәдімгі екі жерқұлақты (саңырауқұлақтың бір түрі) 330 мың долларға сатып алыпты. Ол жерқұлақтар жеуге жарамсыз. «Не үшін сатып алдың?» деген сұраққа Стэнли Хо «Желкемді қасу үшін» деп жауап беріпті.

 

Әли СЕКЕЛ.

Оцените пост

0
Дальше