Әдеп жөніндегі кеңестің отырысы

anticorruptionZKO 2017 M09 11
39
0
0
0

2017 жылдың 8 қыркүйекте өткен Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің Батыс Қазақстан облысындағы Әдеп жөніндегі кеңес отырысында...

2017 жылдың 8 қыркүйекте өткен Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің Батыс Қазақстан облысындағы Әдеп жөніндегі кеңес отырысында, Сырым ауданының бірқатар лауазымды тұлғаларына,  Тасқала ауданы Мерей ауылдық округінің әкіміне, Бөрлі ауданы әкімі аппаратының басшысына қатысты тәртіптік істер қаралып, сондай-ақ Бөрлі ауданы әкімі аппаратының мемлекеттік қызмет және сыбайлас жемқорлыққа қарсы іс-қимыл туралы заңнаманы бұзушылықтардың профилактикасы бойынша жұмысының қорытындысы тыңдалды.

Алдымен, Әдеп жөніндегі кеңесінің отырысында Сырым ауданы прокуратурасының жергілікті атқарушы органдарымен жер заңнамасын қолдануына жүргізілген тексеру кезінде анықталған заңбұзушылықтарға қатысты ұсынысы негізінде, Сырым ауданы Бұлдырты ауылдық округінің әкімі Ерлан Макашевке, Жосалы ауылдық округінің әкімі Қобыланды Габдешовке, Жымпиты ауылдық округінің әкімі Қайрат Тулеповке, Сырым аудандық ауыл шаруашылық бөлімінің басшысы Қонысбай Молдағалиевке қатысты тәртіптік істер қаралып, нәтижесінде, аталған тұлғалардың іс әрекеттерінде мемлекеттік қызметке кір келтіретін тәртіптік теріс қылық жасау белгілерінің анықталмауына байланысты, оларға қатысты қозғалған тәртіптік істер тоқтатылды.

Әрі қарай, Тасқала ауданы, Мерей ауылдық округі тұрғынының осы ауылдық округтің әкімі Қазихан Ташимовтың іс-әрекетіне қатысты жазған шағымы негізінде ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Батыс Қазақстан облысы бойынша Департаменті тарапынан жүргізілген тексеру барысында анықталған, соңғының тарапынан ауылдық округ бойынша төтенше жағдайдың алдын алу және жою жұмыстары үшін бөлінген дизель отынын пайдалану барысында мемлекеттік қызметке кір келтіретін тәртіптік теріс қылыққа жол бергені үшін, Қ.Ташимовке «қызметке толық сәйкес еместігі туралы ескерту» түріндегі тәртіптік жаза қолдану туралы ұсыныс берілді.

Бұдан басқа, кеңес отырысында Сыбайлас жемқорлыққа қарсы іс-қимыл Ұлттық бюросының (Сыбайлас жемқорлыққа қарсы қызмет) Батыс Қазақстан облысы бойынша департаментінің Бөрлі ауданы әкімі аппаратының басшысы Дархан Ағедиловқа ұсынысы негізінде, Қазақстан Республикасы мемлекеттік қызметшілерінің әдеп кодексінің талаптарын, соның ішінде Бөрлі ауданының лауазымды тұлғасына қатысты тергеу амалдарын жүргізу барысында мемлекеттік қызметшінің әрдайым адал болуға қатысты міндетін тиесінше сақтамау мәселесіне бойынша соңғының тәртіптік ісі қаралып, нәтижесінде аталған тұлғаға «сөгіс» түріндегі тәртіптік жаза қолдану туралы ұсыныс жасау жөнінде шешім қабылданды.

Соңында, Әдеп жөніндегі кеңесімен Бөрлі ауданы әкімінің аппаратында жүргізілген тексеру нәтижесі негізінде, мемлекеттік органның мемлекеттік қызмет және сыбайлас жемқорлыққа қарсы іс-қимыл туралы заңнаманы бұзушылықтардың профилактикасы мәселесі бойынша жұмысының қорытындылары қаралып, нәтижесі бойынша Бөрлі ауданы әкіміне қызметтік әдеп нормаларын бұзушылықтардың, оның ішінде мемлекеттік қызметке кір келтіретін тәртіптік теріс қылықтардың профилактикасына бағытталған нақты іс-шаралар жоспарын жасақтап, оның орындалуын қамтамасыз ету жөнінде ұсыныс берілді.

 

Оцените пост

0