БҚО-да «А» корпусының мемлекеттік әкімшілік қызметінің кадр резервіне іріктеуді жүргізу тәртібі түсіндірілді

anticorruptionZKO 2017 M09 11
49
0
0
0

2017 жылдың 8 қыркүйекте ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің Батыс Қазақстан облысы бойынша Департаментінде «А» корпусының мемлекеттік әкімшілік...

2017 жылдың 8 қыркүйекте ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің Батыс Қазақстан облысы бойынша Департаментінде «А» корпусының мемлекеттік әкімшілік қызметінің кадр резервіне іріктеуді жүргізу тәртібі жөнінде Департамен басшысы, Әдеп жөніндегі кеңес төрағасы Б.Ә.Исақовтың төрағалығымен брифинг өткізілді.

Өз сөзінде Департамент басшысы ағымдағы жылғы 4 қыркүйекте  кадр саясаты бойынша Ұлттық комиссиямен «А» корпусының кадр резервіне іріктеу өткізу туралы хабарландыру жарияланатындығы жөнінде айтты.

Іріктеу136 аспайтын адамды, оның ішінде:

-       2-санат бойынша– 10 аспайтын адамды;

-       4-санат бойынша– 126 аспайтын адамды «А» корпусының мемлекеттік әкімшілік қызметінің кадр резервіне алу үшін өткізіледі.

«А»корпусының кадр резервіне кандидаттарды іріктеу 3 кезеңде жүзеге асырылады:

1)   кандидаттардың құжаттарын қабылдау және олардың«А»корпусының мемлекеттік әкімшілік лауазымдарына қойылатын арнайы біліктілік талаптарына және«Қазақстан Республикасының мемлекеттік қызметі туралы» Қазақстан Республикасы Заңының талаптарына сәйкестігін қарау:
4-15 қыркүйек аралығында.

2)  кандидаттарды  Қазақстан Республикасының заңнамасын білуі және жеке басының қасиеттерін бағалау, логика, ҚАЗТЕСТ бойынша тестілеу:  4-6 қазан аралығында.

3)  кандидаттармен әңгімелесу.

Өңірлік комиссияларда -17-18 қазан күндері;

Ұлттық комиссияда- 25-27 қазан күндері аралығында.

Сондай-ақ, ол «А» корпусының кадр резервіне іріктеуге қатысуға ниет білдірген азаматтар Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігіне немесе оның аумақтық бөлімшелеріне мынадай құжаттарды ұсынылатындығына тоқталды:

1)  жеке куәлігінің көшірмесі;

2)  Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 22 қарашадағы № 64 бұйрығымен белгіленген нысандағы өтініш;

3)  бiлiмi туралы құжаттардың нотариат не жұмыс орны бойынша кадр қызметі куәландырған көшiрмелерi;

4)  нотариат немесе жұмыс орны бойынша кадр қызметі куәландырған еңбек қызметін растайтын құжаттың көшірмесі;

5)  белгіленген нысан бойынша «А» корпусының кадр резервіне кандидаттың қызметтік тізімі;

6)  Ұсыным хат (кемінде біреу). Ұсыным хаттың қолданылу мерзімі оған қол қойылған күннен бастап үш айдан аспайды;

7)  өмірбаян;

8)  құқықтық статистика және арнайы есепке алу саласындағы

уәкілетті органнан соттылықтық болмауы (болуы) туралы анықтама.

9)  Ұлттық комиссияның шешімімен айқындалатын құжаттар.

Ұсынымхатты беру құқығына:

1) мемлекеттік саяси қызметшілер;

2) Қазақстан Республикасы Парламенті Сенатының, Мәжілісінің депутаттары, облыстың, республикалық маңызы бар қаланың, астананың,мәслихаттарының хатшылары;

3) лауазымға тағайындау және босату құқығына ие «А» корпусының мемлекеттік әкімшілік қызметшілері;

4) Қазақстан Республикасының Президентімен немесе оның тапсырмасы бойынша Қазақстан Республикасы Президенті Әкімшілігінің Басшысымен келісу бойынша тағайындалатын ұлттық компанияның, ұлттық холдингтің, ұлттық даму институты басқармаларының төрағалары ие болады.

Лауазымға тағайындау және босату құқығына ие мемлекеттік орган басшылары мен саяси мемлекеттік қызметшілерді қоспағанда, жоғарыда көрсетілген адамдар «А» корпусының кадр резервіне бір іріктеудің шеңберінде бесеуден аспайтын кандидатты ұсынуға құқылы.

Ұлттық басқарушы холдингтер, ұлттық компаниялар, ұлттық холдингтер, тізбесі Үкіметтің 2011 жылғы 6 сәуірдегі  №376 Қаулысымен бекітілген.

Сонымен қатар, Исақов Б.Ә. кандидаттардың көрінеу жалған ақпаратты және құжаттарды ұсыну фактілерін анықтау оларды «А» корпусының кадр резервіне іріктеудің кез келген кезеңінде шығаруға негіз болып табылатындығын нақты айтты.

 

Құжаттарды қабылдағанда кандидатқа олардың тіркелгені туралы қолхат, оның ішінде электрондық түрде беріледі. Құжаттар поштамен ұсынылғанда, оларды тіркеу туралы қолхат жіберушінің пошталық мекен жайына жолданады.

Құжаттар электрондық пошта арқылы жіберілген жағдайларда, кандидаттар құжаттардың түпнұсқаларын тест басталғанға дейінгі үш сағаттан кешіктірмей ұсынады. Құжаттардың түпнұсқалары ұсынылмаған жағдайда кандидат тестке жіберілмейді.

 

Әдеп жөніндегі кеңес төрағасы толық ақпарат  Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл Агенттігінің www.kyzmet.gov.kz интернет-ресурсында орналасқандығын айтып өтті.

       

Оцените пост

0
Дальше