Байбек мектеп оқушыларына ашық сабақ өткізді

Айнаш Ануарбек September 9, 2017
397
0
0
0

Алматы қаласының әкімі Бауыржан Байбек Наурызбай ауданындағы Шұғыла шағын ауданының оқушыларына жаңа № 174 мектеп-гимназиясының есігін ашты және болашақ түлектер үшін ашық сабақ өткізді.

Алматы қаласының әкімі Бауыржан Байбек Наурызбай ауданындағы Шұғыла шағын ауданының оқушыларына жаңа № 174 мектеп-гимназиясының есігін ашты және болашақ түлектер үшін ашық сабақ өткізді.

«Сәби» қайырымдылық қорының «Туған жер» бағдарламасы аясында салынған оқу орнында 1314 оқушы оқиды, 245 бала бірінші сыныпқа барады. Жалпы алғанда Алматы қаласында мектеп партасына 230 мыңнан аса бала отырды, олардың 26 мыңнан астамы бірінші сынып оқушылары.

Өзінің құттықтау сөзінде Бауыржан Байбек жаңа Наурызбай ауданы қалыптасқаннан кейінгі үш жылда жалпы білім беретін мектептерде оқитын оқушылардың саны екі есеге дерлік артып, 12 мың оқушыға жеткенін айтты.

Осыған орай, 2016 жылы «Нұрлы жол» бағдарламасы бойынша «Қалқаман» ықшам ауданында 900 орындық №157 жаңа мектеп салынды. «Ажар» шағын ауданында 1200 адамға арналған тағы бір мектеп салынады. Наурызбай ауданындағы екі мектеп сейсмикалық күшейіп, ғимараттарды жөндеуден өтуде.

Жоғары сапалы білім беру үшін қала мектептері заманауи физика, химия, биология сыныптармен, лингафонды және мультимедиялық сыныптармен, интерактивті тақталар және т.б. қажетті тұралдармен жабдықталған. Мысалы, Наурызбай ауданындағы жаңа мектеп жаңа модификациядағы, физика, химия, биология және 4 компьютерлік бөлме, екі спорт залы бар 10 тілдік-мультимедиялық оқу сыныптарымен жабдықталған.

Жаңа оқу жылының басында оқушалыр мен ата-аналарды құттықтай отырып, Алматы қаласының әкімі «Рухани жаңғыру» бағдарламасы бойынша жоғары сынып оқушыларына ашық сабақ өткізді.

«Рухани жаңғыру» бағдарламасында елбасымыз айтқандай, « ... білім беру салты жалпыға бірдей болуы керек. Егер құндылық жүйесінде білім негізгі құнға айналса, онда ұлт табысқа жетеді». Дегенмен, бұл міндетті табысты іске асырудың міндетті шарты - білім беру мекемелерінің ашықтығы, жұртшылық үшін ашықтық», - деді Бауыржан Байбек.

Айта кету керек, осы оқу жылында «Рухани жаңғыру» бағдарламасы аясында қаланың бес мектебінде ұлттық тарихты, географияны және ел мәдениетін зерттеу арқылы жергілікті өлкетану бойынша кешенді курс жоспарланған.

Кездесу барысында Бауыржан Байбек оқушыларға Алматы қаласының тарихи-мәдени мұра объектілерін қамтитын «Қазақстанның қасиетті географиясы» жобасы туралы айтып берді. Олардың қатарында «Боралдай қорғандары» археологиялық паркі, «Тәуелсіздік таңы» және «Тәуелсіздік» ескерткіштері, Әулие Вознесенский кафедралды соборы, Райымбек батыр кесенесі және Ахмет Байтұрсынов атындағы үй мұражайы аталып өтілді.

Оцените пост

0