Мәжіліс ҚР Тәуелсіздігінің 25 жылдығына байланысты рақымшылық жасау туралы заң жобасын жұмысқа қабылдады

Айнаш Ануарбек 2016 M11 30
515
0
0
0

ҚР Парламентінің Мәжілісі пленарлық отырыс барысында «Қазақстан Республикасы Тәуелсіздігінің 25 жылдығына байланысты рақымшылық жасау туралы» заң жобасын жұмысқа қабылдады.

ҚР Парламентінің Мәжілісі пленарлық отырыс барысында «Қазақстан Республикасы Тәуелсіздігінің 25 жылдығына байланысты рақымшылық жасау туралы» заң жобасын жұмысқа қабылдады.

«Мемлекет басшысы Конституцияның 61-бабының 1-тармағына сәйкес, өзінің заңнамалық бастамасы тәртібімен «Қазақстан Республикасы Тәуелсіздігінің 25 жылдығына байланысты рақымшылық жасау туралы» ҚР заңының жобасын республика Парламентінің қарауына енгізді. Биыл Қазақстан өзінің мемлекеттік тәуелсіздігінің 25 жылдығын атап өтеді. Республика Конституциясында адамның өмірі, құқықтары мен бостандығы жоғары құндылықтар етіп қойылған. Оған сәйкес рақымшылық жасау акті қолданылатын заңды қабылдау ізгілік қағидаты көріністерінің бірі болып табылады», - деді Қазақстан Республикасы  Парламенті Мәжілісінің Заңнама және сот-құқықтық реформа комитетінің төрағасы Нұрлан Әбдіров.

Оның айтуы бойынша, заң жобасында, негізінен, азаматтардың әлеуметтік-осал топтарын, соның ішінде кәмелет жасқа толмағандарды, жүкті әйелдерді, кәмелет жасқа толмаған немесе мүгедек балалары бар әйелдерді, мүгедектерді, қарт адамдарды, сондай-ақ ауыр емес қылмыстық құқық бұзушылықтар жасаған адамдарды қылмыстық жазадан босату көзделеді.

«Сонымен бірге, заң жобасында рақымшылық жасауды қолдану туралы шарттар да бар. Заң жобасына сәйкес, заң ол қолданысқа енгізілген күннен бастап алты ай ішінде орындалуы тиіс», - деп қосты Н. Әбдіров.

Қаулы жобасы бірауыздан қабылданды.

Еске сала кетейік, Қазақстан Президенті Нұрсұлтан Назарбаев рақымшылық жасауды өткізуді ұсынған болатын.

Мемлекет басшысы Конституцияның 61-бабының 1-тармағына сәйкес, өзінің заңнамалық бастамасы тәртібімен «Қазақстан Республикасы Тәуелсіздігінің 25 жылдығына байланысты рақымшылық жасау туралы» Қазақстан Республикасы заңының жобасын республика Парламентінің қарауына енгізді. Рақымшылық жасау заңды бұзған адамдарға қатысты ізгілік қағидаты көріністерінің бірі болып табылады.

Ақпарат көзі: strategy2050.kz

Оцените пост

0