Ж.Қасымбек: Қазақстан және Франция 200 млн долларға 6 жоба бойынша келіссөздер жүргізуде

Айнаш Ануарбек 2016 M11 29
456
0
0
0

Қазақстан және Франция құрылыс, энергетика салаларын, автомобиль жасау мәселелерін қоса алғанда, 200 млн долларға жуық сомаға 6 жоба бойынша белсенді түрде келіссөздер жүргізуде, деп хабарлады ҚР инве

Қазақстан және Франция құрылыс, энергетика салаларын, автомобиль жасау мәселелерін қоса алғанда, 200 млн долларға жуық сомаға 6 жоба бойынша белсенді түрде келіссөздер жүргізуде, деп хабарлады ҚР инвестициялар және даму министрі Жеңіс Қасымбек Франция - Қазақстан сауда-өнеркәсіптік палатасының ай сайынғы отырысы шеңберінде.

«Қазақстан экономикасына француздық инвестициялар көлемі соңғы 10 жыл ішінде 13 млрд АҚШ долларын құрады. Қазақстанда француздық капиталдың қатысуымен 130-дан астам әр түрлі кәсіпорындар сәтті жұмыс істейді. Екі ел арасында 1 млрд АҚШ доллары сомасына 25 жоба іске асырылған, бұл негізінен мұнай-газ, машина жасау, тау-кен металлургиясы салаларындағы жобалар, агроөнеркәсіп кешеніндегі жобалар да бар. Болашақта бұл тізбе кеңейіп, ұлғаяды деп күтеміз», - деп ақпараттандырды Ж. Қасымбек.

Министр хабарлағандай, 200 млн долларға жуық сомаға 6 жоба белсенді пысықталу үстінде. Оның айтуы бойынша, осы жобаларға құрылыс бизнесі, энергетика, автомобиль жасау мәселелері кіреді.

«Біз белсенді жұмыс жүргізуді одан әрі жалғастырамыз. Премьер-Министрден бастап әр түрлі деңгейлерде белгілі бір штабтар, кеңестер құрдық, онда Қазақстандағы бизнесті, инвестициялық климатты жетілдіру үшін ашық диалог режимінде шетелдік тараптарды тыңдап, заңнамаға өзгерістер енгіземіз», - деп атап өтті Ж. Қасымбек.

Сонымен бірге, ҚР ИДМ басшысы 2017 жылдан бастап шетелдік жұмыс күшін тартудың жаңа қағидалары қолданысқа енгізілетінін еске салды, олар Қазақстанда еңбек қызметін жүзеге асыруға рұқсат беруді едәуір оңайлатады.

Францияның Қазақстандағы елшісі Франсис Етьен Франция Қазақстандағы үшінші шетелдік инвестор, Қазақстанның алтыншы клиенті және жетінші өнім берушісі болып табылатынын қосты.

Еске сала кетейік, француздық компаниялар жұмыс істейтін негізгі салалар инфрақұрылым, көлік, телекоммуникациялар, тамақ, жеңіл өнеркәсіп, құрылыс материалдары өндірісі, фамацевтика, металлургия, мұнай, химия салалары, ғарыш саласы болып табылады.

Ақпарат көзі: strategy2050.kz

Оцените пост

0