Yvision.kzYvision.kz
kk
Разное
Разное
399 773 постов41 подписчиков
Всяко-разно
1
22:35, 28 сентября 2016

Маңғыстау ОТД-да «Туған тіл – мәңгі өнеге айдыны» атты мерекелік шара өтті

Маңғыстау облыстық телекоммуникация дирекциясында ағымдағы жылдың 15 қыркүйегі мен 26 қыркүйегі аралығында «Туған тіл – мәңгі өнеге айдыны» атты мерекелік шара өткізілді. Аталған шара «Қазақтелеком» АҚ мемлекеттік тілді енгізу және дамыту бағдарламасы аясында ұйымдастырылды.

Blog post image

Қазақстан Республикасы халықтарының тілдері мерекесіне арналған шара барысында филиал қызметкерлері арасында «Жүйрік болсаң, озып көр», «Білемін, жауап беремін», «1001 мақал» сияқты зияткерлік сайыстары өткізілді. Сайыстардың қорытындысы бойынша сервис-менеджмент бөлімінің маманы Зейнегүл Қосымбай, мемлекеттік құпияларды қорғау және арнайы жұмыстар бөлімінің жетекші маманы Борис Пантелеймон, сервис-менеджмент бөлімінің жетекші маманы Гүлмира Дәнебай және Жаңаөзен БӨТТ жетекші инженері Гүлмира Оңайбаева жеңімпаз деп танылды.

Blog post image

Blog post image

Облыстық дирекцияның бөлімшелері арасында «Мемлекеттік тілді меңгерген үздің басшы» атағы үшін болған сайыста құрылымдық бөлімшелердің басшылары өздерінің телекоммуникация саласында мемлекеттік тілді қаншалықты меңгергендіктерін көрсете білді. Бірнеше бөлімнен тұратын сайыс нәтижесінде қазылар алқасы жүлделі орындарды анықтады. Мемлекеттік тілді меңгерген үздік басшы атағына дебиторлық берешекпен жұмыс бөлімінің бастығы Көптілеуова Мадина ие болды.

Blog post image

Сонымен бірге, мерекелік шаралардың аясында заңды және жеке тұлғаларға қызмет көрсету орталықтарының мамандары арасында «Мемлекеттік тілді меңгерген үздік сатушы» байқауы өткізіліп, компания қызметтері бойынша қойылған барлық сұрақтарға сауатты және тиісті деңгейде жауаптарын ұсына білген қызметкерлер – заңды тұлғаларға қызмет көрсету орталығының маманы Айнұр Таубаева мен жеке тұлғаларға қызмет көрсету орталығының технигі Феруза Әбдірайымова жеңіске жетті.

Blog post image

Барлық байқаулардың жеңімпаздары дипломдар және естелік сыйлықтармен марапатталды.

 
1
854
0