Yvision.kzYvision.kz
kk
Разное
Разное
399 773 постов41 подписчиков
Всяко-разно
0
02:12, 29 мая 2015

Қазақстанның индустриялды қаңқасына 14 млрд доллар бағытталды – Назарбаев

Ұлттық қорда сақталған қаржыны осы жылдар арасында қолдана аламыз, индустриялды қаңқаны толық өзгерту үшін қолданылады, деді Елбасы Нұрсұлтан Назарбаев ТМД қатысушы елдердің басшыларымен кездесуде.

«Біз экономика өсімінің төмендеуіне қарсымыз. Қиын-қыстау заманда адамдарды жұмыспен қамту үшін өндіріс және тау-металлургия саласын көтеруді ойластырудамыз, себебі ол жерде жұмыс орындары қысқарып, өндіріс көлемі кішіреюде. Оны Қазақстандағы ауқымды инфрақұрылымдық бағдарламалар үлесінде жүзеге асырамыз. Ұлттық қорда жиналған қаржыны біз индустриялық қаңқаны толық өзгертуге қолдана аламыз. Сондықтан, жақын арадағы 4 жылда 5 мың км автожол мен әуежайлар, көпірлерді қайта жаңғырту жұмыстары жүретін болады», - деді Ұлт көшбасшысы.

ҚР Президентінің айтуынша, осы істер үшін 14 млрд доллар бағытталды.

«17 млн халқы бар Қазақстан үшін бұл өте үлкен ақша. Бұл шығынның 30 пайызына : Дүниежүзілік банк, Еуропалық банк, Азия банкі мен біз келісіп қойған өзге институттар қатысады», - деді Елбасы.

Елбасы ТМД-ға қатысушы мемлекеттер делегацияларының басшыларымен кездесті. Делегациялар басшылары Қазақстанға ТМД Үкімет басшылары кеңесі мен Еуразиялық үкіметаралық кеңестің отырыстарына қатысу үшін келді.

«Жаһандық дағдарыстық құбылыстарды өткеріп, жекелеген экспорттық тауарлар бағасы төмендеп жатқан қазіргідей уақытта бірлескен жұмыс пен кооперацияны күшейту қажет етіледі. Ықпалдастыққа балама жоқ деп санаймын, сондықтан біз тиісті үдерістерге бастамашылық етіп отырмыз. Еуразиялық экономикалық одақ жұмыс істеп тұр. Бүгінгі қиындықтарға қарамастан, мен оның болашағы зор деп сенемін. Мұндай қиындықтар болатынын біз болжадық, бірақ шарттың мәні, мақсаты мен онда қойылған міндеттері дұрыс», – деді Нұрсұлтан Назарбаев.

Кездесу барысында елдердің қаржы-экономика, көлік-транзит, отын-энергетика салаларындағы өзара ықпалдастығының негізгі аспектілері талқыланды.

Қазақстан Президенті ТМД елдерінің мемлекет және үкімет  басшылары кездесулерінің, екіжақты және көпжақты келіссөздердің маңыздылығына тоқталды.

Мемлекет басшысы қазіргі жағдайда Қазақстан орнықты дамуды сақтау үшін әсіресе инфрақұрылымды жаңғырту саласында қажетті шараның бәрін қабылдап жатқанын атап өтті.

 

Ақпарат көзі strategy2050.kz

 

0
216
0