«Қаржылық бақылау қызметшілеріне 100 нақты қадам туралы»

dadgsipk 2015 M05 26
766
0
0
0

Мемлекеттік қызмет істері және сыбайлас жемқорлыққа қарсы іс-қимыл агенттігінің Қостанай облысы бойынша департаментінің қызметшілері 2015 жылғы 23 мамырда Қостанай облысы қаржылық бақылау...

Мемлекеттік қызмет істері және сыбайлас жемқорлыққа қарсы іс-қимыл агенттігінің Қостанай облысы бойынша департаментінің қызметшілері 2015 жылғы 23 мамырда Қостанай облысы қаржылық бақылау инспекциясының ұжымымен семинар-кеңес өткізді.

Ұйымдастырылған семинар шеңберінде ұжым алдында баяндамамен Департаменттің мемлекеттік қызмет өткеру бөлімінің басшысы Әсет Досекенов сөз сөйлеп, кездесу қатысушыларын «Мемлекет басшысының бес институционалды реформасын жүзеге асырудағы 100 нақты қадам» ұлттық жоспарымен таныстырды. Бұл жерде ол атап өткендей, бірінші реформа «Мемлекеттік аппаратты құру» облысында Мемлекет басшысы мемлекеттік қызметке түсу үдерістерін модернизациялауды анықтады. Ұлт басшысы әрбір мемлекеттік қызметші төменгі қызметтерден бастап, мемлекеттік қызметке жаңа келген мамандар қызмет табалдырығы бойынша көтерілмес бұрын, оның барлық жоғары тұрған қадамдарынан өтуі тиіс екендігін нақты көрсетті. 
«Ұлттық жоспарды жүзеге асыру қажырлы еңбекті қажет етеді, сондықтан да оның орындалуында барлық мемлекеттік қызметшілер ат салысуы керек»-деді Әсет Досекенов кездесу барысында. Мемлекеттік қызметші осы іс-шаралардың барлығы мемлекеттік қызмет азаматтарға өзін-өзі дамытуға тең құқыққа ие әділ қазақстандық қоғамның эталоны болуға бағытталғанын айтты. 
Өзінің баяндамасы аясында Әсет Досекенов Департаменттегі сыбайлас жемқорлыққа қарсы шектеулер тақырыбына да тоқталды. Кездесуге қатысушылар арасында бірқатар сұрақтар туындады. Департамент өкілі әрбір сұраққа түсініктеме беріп, мемлекеттік қызметшілерге шектеулерге сәйкес, қызметтік дәрежесін өзге мақсаттарда қолдануға, азаматтардың құқықтары мен заңды қызығушылықтарын бұзуға тиым салынатынын, ал заңда көрсетілген тармақтарды бұзған жағдайда, жұмыстан босатуға дейін тәртіптік жаза қолданылатынын айтты. 
Кездесудің соңында қатысушыларға біздің қоғамға жемқорлық қалай еніп, қандай зиян тигізетінін бейнелейтін сыбайлас жемқорлыққа қарсы тақырыпта бейнеролик көрсетілді.
МҚІСЖҚІҚ агенттігінің Қостанай облысы бойынша Департаментінің баспасөз хатшысы Мөлдір Шериева

 

Оцените пост

0
Дальше