Жомартпен сұхбат

Алия 2010 M05 26
1920
1
0
0

-         Жомарт, өз блогыңыздың тарихы жайлы айтып өтсеңіз... -         Басқалардың жазбаларын белсенді түрде оқып, пікір қалдырып жүргеннен кейін 2008 жылы өз блогымды ашуға бел будым. Ол кезде...

-         Жомарт, өз блогыңыздың тарихы жайлы айтып өтсеңіз...

-         Басқалардың жазбаларын белсенді түрде оқып, пікір қалдырып жүргеннен кейін 2008 жылы өз блогымды ашуға бел будым. Ол кезде Қазнетте standalone-блогосфера деген түсінік дамымаған және не болса да, бәрі жаңалық ретінде қабылданатын. Мен көп нәрсені Рунеттен біліп оқыдым, ресейлік блогшылармен байланыс орнаттым. Сілтемелермен алмасып, сол кезде блогосферада жиі болатын сайыстарға қатыстым. Бірте-бірте блогымның көрсеткіштері өсе бастады, қазір блогым Рунеттің 248 515 автономды блогтар ішінде 2747 орында. Тақырыптық цитаталау индексі (Яндекс іздеу салудың көрсеткіші) – 110, Google PageRank – 3.

Сонымен қатар, мені Яндекс.Каталог пен DMOZ каталогына қабылдады. Көрсеткіштерім керемет болмаса да, блогыма қазір уақытымды аз бөлемін деп айта кетейін. Бүгінгі күнге дейін блогымды алға жылжыту үшін бірде бір тиын жұмсамадым.

-         Ал блогыңыз қалай табыс әкеледі?

-         Табыс әкелудің екі жолын қолданамын. Біріншісі – blogun.ru немесе j2j.ru сілтемелер биржасы арқылы. Жазба жазған кезде оның алдында немесе аяғына қарай тақырыптық мәтінмен қоса жарнамалық сілтеме орнатылады. Екінші – Бегунның (контекстті жарнама орнатуға арналған рунеттік сервис. - автор) контекстік жарнамасы. Бірақ ол табыс әкелмейді деп айтуға болады. Әрине, Sape.ru секілді сілтеме биржаларының кодын қойып, табысты ұлғайтуға болады. Бірақ ол әр блогшының өз еркі.

-         Блогыңыздан қанша ақша табуға болады?

-         Менің көрсеткіштерім бойынша айына 200-300 доллар табуға болады, бірақ ол үшін жиі жазып, жарнама берушілерді іздеу қажет. Бағыма не сорыма қарай, бұған менің уақытым жоқ, бір жағынан блогтан ақша табамын деген алдыма мақсат қойған емеспін. Бос уақытым болғанда ғана оған уақытымды бөлемін.

-         Осы салаға жаңадан келген блогшыларға қандай кеңес берер едіңіз?

-         Жақсы контент іздеңіз, адамдармен де, іздеу жүйелерімен де адал жұмыс жасаңыз, сілтемелер биржасын шектен тыс пайдаланбаңыз және өзгерістерден қорықпаңыздар дер едім.

"Блогтар табыс әкеле ала ма?" атты мақаладан үзінді

"Қазақстан Іскері" №9 (43) 23 мамыр, 2010

Оцените пост

-9

Комментарии

0
Орыс тілді сайттарда, блогтарда мүмкіншіліктер баршылық.
Показать комментарии