Дін өкілдері полиция қызметкерлерімен кездесу өткізді.

mvdgovkz 2014 M04 13
144
0
0
0

Дін өкілдері полиция қызметкерлерімен кездесу өткізді. «BAQ.KZ», 14.04.2014ж. Дін өкілдері Ақтау қаласында әкімшілік полиция қызметкерлері және қалалық Ішкі істер қызметкерлерімен кездесу өткізді...

Дін өкілдері полиция қызметкерлерімен кездесу өткізді. «BAQ.KZ», 14.04.2014ж.
Дін өкілдері Ақтау қаласында әкімшілік полиция қызметкерлері және қалалық Ішкі істер қызметкерлерімен кездесу өткізді, деп хабарлайды BAQ.KZ ҚМДБ баспасөз қызметіне сілтеме жасай отырып.

Маңғыстау облыстық Дін істері басқармасы тарапынан ұйымдастырылған ақпараттық насихат жұмыстары облыс көлемінде атқарылуда. Мектеп, колледж, университет және мемлекеттік мекеме ұжымымен кездесулер ұйымдастырылуда. Қоғамның тыныштығы мен бірлігін сақтау баршамызға ортақ міндет. Дін атын жамылған теріс ағымдардың қоғамға тигізер зияны мен зардабын түсіндіру мақсатында Облыстық Дін істері басқармасының басшысы Е.Есбергенов пен Маңғыстау облысының өкіл имамы С.Сейтбеков Ақтау қаласындағы Әкімшілік полиция қызметкерлері және қалалық Ішкі істер қызметкерлерімен кездесу өткізді. Кездесу барысында өкіл имам елімізде белең алған радикалдық ағымдардың шығуы мен қоғамға тигізер зардаптары жайында кеңінен түсіндіріп, тәртіп сақшыларының сұрақтарына жауап берді. Мұндай кездесулер тәртіп сақшылары арасында жиі өтуде.

Айта кетейік, соңғы жылдары дінге қатысты мәселелер өзінің өзектілігімен өткір тақырыптардың біріне айналып, еліміздің қоғамдық өміріндегі күн тәртібінде алдыңғы қатарға шыға бастады. Бұл, бір жағынан, дінге сенушілер қатарының көбеюінен, екінші жағынан, діни экстремизм мен терроризм мәселесінің өсе түсуінен байқалады. Бұл проблемалар өз кезегінде мемлекет пен қоғам алдына нақты шешімін табуды қажет ететіндіктен дұрыс ақпараттық насихаттың болуын талап ететіні сөзсіз.

 

Оцените пост

0
Дальше