ESPN: Жұртшылық Головкин мен кіші Чавестің жекпе-жегін көргілері келеді

Kazsport agent 2014 M03 17
129
0
0
0

АСТАНА. ҚазАқпарат — Бокстан орта салмақтағы WBA және IBO нұсқалары бойынша әлем чемпионы қазақстандық Геннадий Головкин ESPN танымал американдық спорт телеарнасы өткізген дауыс беруде жеңіске...

АСТАНА. ҚазАқпарат — Бокстан орта салмақтағы WBA және IBO нұсқалары бойынша әлем чемпионы қазақстандық Геннадий Головкин ESPN танымал американдық спорт телеарнасы өткізген дауыс беруде жеңіске жетті, деп хабарлады Vesti.kz.

Бұл дауыс берудің мақсаты сайтты пайдаланушылардың мексикалық Хулио Сезар кіші Чавестің келесі кездесуін кіммен өткізуі керектігі жөніндегі пікірлерін білу болатын. Оның қорытындысы бойынша бәрінен көп дауыс жинаған Головкин — 47 пайыз. Дауыс беруге 26513 адам қатысқан.

Еске сала кетейік, қазақстандық боксшының келесі қарсыласы кіші Чавес болуы мүмкін. Американдық спорттық функционер және Top Rank промоутерлік компаниясының басшысы Боб Арум бұл жекпе-жектің күзде болуы ықтимал екендігін мәлім етті.

Басты сөздер: Спорт
 

Оцените пост

0
Дальше