Сүйікті жар, мейірімді ана

МО РК 2014 M03 10
415
0
0
0

Офицерге тұрмысқа шығу оңай, ал оның әйелі болу – қиынның қиыны. Жиі көшіп-қону, тұрмыстық қиындықтар, жолдасының бітпес іссапарлары, әйелінің мойнына жүктелген балаларының тәрбиесін қадағалау сынды...

Офицерге тұрмысқа шығу оңай, ал оның әйелі болу – қиынның қиыны.

Жиі көшіп-қону, тұрмыстық қиындықтар, жолдасының бітпес іссапарлары, әйелінің мойнына жүктелген балаларының тәрбиесін қадағалау сынды барлық қиындықтарға төзу үшін офицерді шынайы сүйе білу керек. Қуанышқа орай, мұндай әйелдер жетерлік! Сондай әйелдердің бірі – гвардия капитаны Гүлбану Тұрсынқызы Исмаилова.

Гүлбану әскери азаматқа тұрмысқа шықты. Өзге әскери қызметшілердің отбасы сияқты Кеңес өкіметін аралап көшіп-қонып жүрген. Бүгінде ол Аэроұтқыр әскерлері қолбасшысының басқармасында қаржы бөлімінің аға офицері қызметін өткеруде.

Оның біресе басқа қалаларда қызметі бойынша іссапарда есеп тапсырып, не әйелдер кеңесінің төрайымы болғаннан кейін мәдени демалыс іс-шараларын ұйымдастырып жүргенінің куәсі боласыз. Үй шаруасының да кір жуу, тамақ пісіру, немересіне қарау сияқты таусылмас күйбеңі бір төбе. Осыншама істі жалғыз өзі қалай тындырады?!

Бұл сұраққа қарапайым ғана жауап қатты: «Мен нағыз ер-азаматтардың ортасындамын, ол – сүйікті де, қамқор жолдасым Валидин, қас-қабағыма қарайтын, ақылыма құлақ асатын ұлым Ильмидин және қызметімдегі дана басшым майор Расул Ходжаев. Мұндай азаматтардың ортасында барлық істерді ықыласпен атқарасың, немереме бесік жырын айтып отырғанымда ғана шаршағанымды сеземін».

«Ол нағыз отансүйгіш азамат және Аэроұтқыр әскерлерін жанынан артық сүйеді», дейді маңайындағылар. Бұл рас, 1997 жылы әуе десанттық әскерлерінің қатарына қосылған ол өмірін осы әскерлерге арнады, 15 рет парашютпен секірген. 2 тамыз – әуе десанты әскерлерінің құрылған күні отбасы мерекесіне айналған. Тіпті 2 жасар немересі Садирдиннің өзіне арнап десанттық форма тігілген, апасы және атасымен бірге «Расплескалась синева» атты әуенмен бәрі бірге сап түзеп шығады.

Ол осындай ғажап әйел! Офицердің әйелі деген атақты Гүлбану Тұрсынқызы абыроймен алып келеді.

Шынайы тілектер ағылып, әр әйелдің көзінен бақыт пен махаббат оты жарқырайтын 8 наурыз мерекесінің болғаны және рухы биік офицерлердің әйелдерінің болғаны бір қуаныш.

ҚР ҚМ Баспасөз қызметі


Оцените пост

0