АСТАНА. ҚазАқпарат — Мәскеуде Паралимпиада ойындарының алауының эстафетасы басталды. Салтанатты шара Орталық павильонның жанындағы бүкілресейлік көрме орталығында өтті, деп жазады РБК.
Эстафета үш кезеңнен тұрды. Алауды алып жүрушілер 2,5 шақырым жолды жүріп өтті. Шара соңы танымал әншілер мен би өнерпаздарының концертіне ұласты.
Мәскеуде жағылған Паралимпиада алауы енді Сочи қаласына аттанды. Онда 5 наурыз күні Паралимпиада ойындары алауының жағылу салтанаты өткізілмек.