АСТАНА. ҚазАқпарат - Қазақстандық мәнерлеп сырғанаушы Денис Теннің өнері «Франс пресс» француз ақпарат агенттігінің нұсқасы бойынша Сочи Олимпиадасының ең үздік фотосуреттердің бірі деп танылды, деп хабарлайды Vesti.kz.
20 жасар қазақстандық спортшының бұл суреті жекелей сындағы еркін бағдарлама кезінде түсірілген. Оның қортындысынан кейін Денис Тен қола медаль иегері атанып, Қазақстанға Сочи Олимпиадасының жалғыз медалін салған болатын. Денис теннің «қоласы» Қазақстанға Сочи Олимпиадасында мәнерлеп сырғанаудан медаль жеңіп алған мемлекеттердің «сегіздігіне» енуге мүмкіндік берді.
Медаль жиынтығы бойынша, Қазақстан 26-орынға ие болды. Денис Тен болса, жергілікті БАҚ-тың хабарлауынша, Сочи Олимпиадасының жеті басты жаңалықтарының бірі деп аталды.
Автор: Жасұлан Жолдыбаев